YNKê bi serokên aliyan re dicive li ser pirsên Nistimanî

Kurdistan 04:14 PM - 2022-11-23

Yekêtiya Niştimanî ya Kurdistanê (YNK) bi fermî kesê yekem ê hemû aliyên siyasî yên Herêma Kurdistanê vexwendiye bo civînekê ku biryare sibe li havîngeha Dukanê were lidarxistin û têde rewşa Herêma Kurdistanê û pirsgirêkên daliqandî  navbera Herêm û Bexdayê de  gotûbêj bikin.

YNK kesê yekem ê partiyan vedixwîne

Berpirsê Desteya Pêwendiyên Kurdistanê yê Yekîtiya Niştimanî ya Kurdistanê (YNK) Salar Serhed ji PUKMEDIA re ragihand: "YNKê kesên yekem  ji hemû aliyên siyasî yên Herêma Kurdistanê vexwendiye ku bicivin û rewşa Herêma Kurdistanê gotûbêj bikin." .

Pêwîstiya YNKê bi lihevkirina partiyan heye

“Mijara din a civînê dê gotûbêjkirina pisgirêkên daliqandî yên navbera Herêma Kurdistanê û Êraqê be, YNK dixwaze rêkeftinek di navbera aliyên Herêma Kurdistanê de çêbibe, ji bo çareserkirina pirsgirêkan li gorî destûrê û di berjewendiya giştî de be. Berpirsê Desteya Pêwendiyên Kurdistanê yê Yekîtiya Niştimanî ya Kurdistanê (YNK) dibêje.
Serhed wiha got: “YNK’ê bêyî hejmara kursiyan û li ser esasê lihevkirinekî  hevpar ji bo mijarên niştimanî, kesê yekem ê hemû aliyên siyasî vexwendiye.

Serok Mam Celal  kevirê bingehîn ji bo wê danîye

“Ev civîna li gel kesê yekem ê hemû aliyên siyasî yên Herêma Kurdistanê li ser esasê xema Serok Bafil Talebanî ye, ji bo  çareseriya radîkal a pirsgirêkan e û ev siyaseta rast e ku pêdiviya Herêma Kurdistanê û Êraqê jê  heye û heman siyaseta ku Serok Mam Celal  kevirê bingehîn ji bo wê danîye.”
Salar Serhed got: YNK ê helwesta serkirdeyên aliyên siyasî ji bo beşdarbûna di civînê de û têgihîştina wan ji bo çareserkirina pirsgirêkan bi taybetî pirsên diyarker bilind dinirxîne.
Vexwandina civînê ji aliyê Desteya  Pêwendiyên Yekîtiya Niştimanî ya Kurdistanê (YNK) ve ji bo kesê yekem ê aliyên siyasî yên Herêma Kurdistanê hatiye şandin.
PUKMEDIA