Hikûmet cudahiyê di navbera parêzgehan de dike

Parlamenterekî Yekîtiya Niştimaî ya Kurdistanê tekez kir ku hikûmet cudahiyê di navbera navçeyên Herêma Kurdistanê de bi taybetî di warê xizmetguzarî û dabînkirina pêdiviyên welatiyan de dide.

Parêzgehên  Silêmanî û Helebce bêpar in ji dahatên hikûmetê

Parlamenterê Yekîtiya Niştimanî ya Kurdistanê li Parlamena Kurdistanê Balambo Mihemed ji malpera fermî ya Yekîtiya Niştimaniya Kurdistanê PUKMEDIA re ragihand: Hikûmeta Herêma Kurdistanê cudahiyê di navbera navçeyên Herêma Kurdistanê de dike û parêzgehên Silêmanî û Helebce bêpar dike di rêjeya cîbicîkirina projeyan de û berovajî vê yekê tenê li parêzgehên Dihok û Hewlêrê projeyan cîbicî dike.
Got jî: Hikûmet siyaseta duqolî dişopîne û tenê bi hijmarî bi parêzgehên Silêmanî û Helebce re mijûl dibe, ew pereyên ku ji bo projeyan hatine terxankirin bi rastî nînin, tenê bi jimare.
Got jî: Kes nizane rojane çendîn neft tê firotin û dahata wê bi kû ve diçe, çawa di nav parêzgehan de tê dabeş kirin û her projeyek ku li parêzgeha Silêmaniyê tê cîbicîkirin ji dahatên parêzgehê tê û ne ji dahatên hikûmetê tê. Hikûmet naxwaze bûdceyê ji parlamenê re bişîne da ku eşkere nebe, rêjeya dahatê  û ew pere bi ku ve diçin?
Got jî: Çima pirojeyên xizmetguzarî li parêzgeha Silêmaniyê nayên cîbicîkirin, wek ku li Hewlêr û Dihokê tên cîbicîkirin, gelo ev navçe ne girêdayî Herêma Kurdistanê ye, yan jî hikûmet parêzgehên Dihok û Hewlêrê tenê li Herêma Kurdistanê dihesibîne. Lê mixabin hikûmet Silêmanî û Helebceyê ji gelek tiştan bêpar dike.
Got jî: dahata  parêzgeha Silêmaniyê têrê nake û hikûmet behsa deriyên sînorî yên parêzgeha Silêmaniyê dike, lê kes nizane dahata  deriyên sînorî yên parêzgehên Hewlêr û Dihokê bi ku ve diçe. 
PUKMEDYA TAYBETÎ