Serokkomar û Serokê Parlamentoyê piştgîriya hikûmetê dikin

Serokkomar û Serokê Parlamentoyê

Serokkomarê Êraqê EbdûLetîf Cemal Reşîd îro Înê li Koşka Selam a Bexdayê pêşwaziya Serokê Parlamentoya Êraqê Mihemed Helbûsî kir.
 Di hevdîtinê de rewşa siyasî ya welat û giringiya hikûmetê nû ya dest bi kar bûye û cîbicîkirina bernameya wê ya xizmetguzariyê gotûbêj kirin û piştevaniya xwe ji hikûmetê û bernameya wê ya ji bo cîbicîkirina daxwazên Êraqiyan dûpat kirin.
 Her wiha li ser çend yasayên daliqandî gotûbêj kirin û tekezî li ser giringiya danîna nexşerêyek ji bo pesendkirina wan kirin.
 Di vê çarçovê de, herdu aliyan behsa çalakî û diyalogên serokatî û parlementoyê yên di derbarê yasayan de kirin û pêwîstiya amadebûna Serokkomar ji bo gotûbêjên derbarê derxistina yasayan girîng hate nirxandin.
 Her du alî li ser giringiya lidarxistina civînên her sê serokatiyan ji bo gotûbêjkirina pêşhatan û çûna ber bi pêkanîna wan hevdeng bûn.
PUKMEDIA