Qubad Talebanî Nexweşxaneya Gastroenterolojî û Kezebê vedike

Roja yekşemê Qubad Talebanî Cîgirê Serokê hikûmeta Herêma Kurdistanê nexweşxaneyeke taybet bi nexweşiyên Gastroenterolojî û kezebê li bajarê Silêmaniyê vekir.

Di merasîma vekirinê de Wezîrê Tendirustiyê li Hikûmeta Herêma Kurdistanê, Parêzgarê Silêmaniyê, Rêveberê Giştî yê Tendirustiya Parêzgeha Silêmaniyê û nûnerê Rêxistina Tenduristiyê ya Cîhanî amade bûn.
Ev nexweşxane yekem nexweşxane ye li Herêma Kurdistanê û ya duyem jî li Êraqê ye ku nexweşên bi nexweşiyên Gastroenterolojî û kezebê derman dike, ji ber ku nexweşxane hejmareke zêde ji alavên pizîşkî û pêdiviyên pizîşkî li xwe digire.
Ev nexweşxane dê xizmetên mezin pêşkêşî xelkê Silêmaniyê bi taybetî û xelkê Herêma Kurdistanê bi giştî bike.

PUKmedia taybet