Tenduristiya Silêmaniyê: Zikçûn bi av û xwarinê ve girêdayî ye

Îro Yekşemê, Rêveberiya Giştî ya Tendirustiya Parêzgeha Silêmaniyê civîneke hevbeş li gel hejmarek pizîşkên pispor di warê pijîşkên navxweyî û nexweşiyên henawî yên sektora giştî û taybet de, ji bo gotûbêjkirina metirsiyên belavbûna nexweşiya vereşîna û zikçûn lidar xist.

Rêvebirê Giştî yê Tendirustiya Silêmaniyê Sebah Hewramî di kongirekî rojnamevanî de ji PUKmedia`yê re ragihand: Di civînê de me behsa protokola dermankirina nexweşên sikçûn û vereşînê kir, ku heman bername Rêxistina Tendirustiya Cîhanî  ye em dişopînin.
Got jî: Me bi awayekî zanistî behsa nexweşiya îshalê kir û eger ev nexweşî bibe kolêra, çi gav divê bên şopandin?, ev jî nîşan dide ku hemû rê û rêbazên zanistî ji bo rûbirûbûna kolêrayê li parêzgeha Silêmaniyê hene û emê civînekê li dar bixin. Komîteya Bilind a rûbirûbûna van nîşanan  bi serokatiya parêzgarê Silêmaniyê li ser rêyên rûbirûbûna vê nexweşiyê gotûbêj kirin.
Wî got: Nexweşiya hevwelatiyan bi zikçûn û vereşînê bi av û xwarinê ve girêdayî ye û emê ligel dezgehên ewlekarî û çavdêriyê kar bikin da ku di zûtirîn dem de vê nexweşiyê kontrol bikin, û bal kişand ku tîmeke pispor ji Wezareta Tendirustiyê li Federalî Hikûmet ji bo dîtina tedbîrên ji bo rûbirûbûna nexweşiyê gihişte parêzgeha Silêmaniyê.

PUKmedia taybet