Serokkomar: Aramî û Ewlekariya Êraqê beşeke bingehîn a aramiya navçeyê ye

Serokkomarê Êraqê D.Berhem Salih îro Pêncşemê 25-11-2021`an li qesra Selam ya li Bexdadê pêşwazî li balyozê Rûsî li Êraqê Elbrus Kutrashev kir.

Di hevdîtinê de peywendiyên di navbera her du welatan û rêyên pêşxistina wan di hemû waran de û girîngiya xurtkirina hevkariyên di warê ewlekarî û berevaniyê de û herwiha pêdaçûn li ser hevkariyên bazirganî, aborî û çandî yên bi awayekî ku bigihêje asta herî jor, li gor berjewendiyên hevpar ên her du gelên dost hatin gotûbêj kirin.
Herweha rewşa navçeyê jî hat gotûbêjkirin û Serok Berhem Salih tekez li ser wê yekê kir ku herêm rûbirûyê çendîn kêşeyan bûye û divê kar ji bo derbaskirina nakokiyan û kêmkirina hevsengiyan bi rêya diyalogê bê kirin û amaje bi wê yekê jî kir ku vebûna Êraqê ji derdora xwe re, bi armanca yekxistina ewlehî û aramiyê ye. ku aramî, ewlehî û serweriya Êraqê beşeke bingehîn a ewlehî û aştiya navçeyê ye ku nayê perçekirin.

PUKmedia