Li zanîngeh û peymangehên Kurdistanê 45 hezar xwendekar hatin pejirandin

Wezareta Xwendina Bilind û Lêkolînên Zanistî ya Hikûmeta Herêma Kurdistanê îro Duşemê encamên wergirtina xwendekaran li zanîngeh û peymangehên Herêma Kurdistanê ji bo sala xwendinê ya 2021-2022 ragihand.

Rêvebirê giştî yê perwerde û şopandina Wezareta Xwendina Bilind Xatîb Ehmed di kongirekî rojnamevanî de ku bi amadebûna PUKmedia`yê hat lidarxistin ragihand: Bi giştî hejmara xwendekarên ku qonaxa amadekariyê îsal li Herêma Kurdistanê derbas kirine 63 hezar û 324 xwendekar in. me bernameyeke berfireh amade kir ku hejmara herî zêde ya xwendekaran werbigrin.

Pilana wezaretê bûye sedema qebûlkirina daxwaznameyên 45 hezar û 218 xwendekar,destnîşan kir ku heya niha 43 hezar û 277 xwendekar hatine qebûl kirin û wê zêde bibin ji ber ku kursiyên taybet ji xwendekarên navçeyên qutkirî re jî hene.

PUKmedia