PUKmedia رهقیب مهحمود 13:43:35 2010-07-09
د حهفتیا دووێ دا و ل دویف ئێك لیژنا پشتهڤانیا رۆژنامهڤانێن مێینه یا سهر ب لقێ دهوك یا سهندیكا رۆژنامهنڤیسێن كوردستانێ روینشتنێن دروستكرنا خامهیێن رۆژنامهنڤیسێن مێ دبهردهوامن، و بو رویشتنا ڤێ حهفتیێ بابهتێ (سهرهلدانا بهردانێ ل باژێرێ دهوكێ) هاته ئازراندن و داخاز ژ پشكداران هاته كرن كو ههر ئێك د ماوێ نیڤ دهمژمێرێ دا بابتهكی بنڤێسیت.
و پشتی دهمێ دهست نیشانكری ب دوماهی هاتی و بابهت ژلایێ پشكداران ب خۆڤه هاتیه ههلسهنگاندن رۆژنامهڤان ههلز عهلی سهلیم خهلاتێ ڤێ جارێ ب دهستڤهئینا و ل دوماهیێ خهلات ژلایێ ماموستا محمد عهلی ئهتروشی ڤه پێهاته دان.
رۆژنامهڤان چیمان كانیكی رێڤهبهرا رویشتنێ تایبهت بو PUKmedia گوت: ئهڤ روینشتنه لدویف بهرنامێ هاڤینێ نه یێ لیژنا پشتهڤانیكرنا رۆژنامهڤانێن مێینه - دهوك، مه بریار دایه ههمی پێنج شهمبیان روینشتنهكا ڤهكری ئهنجامبدهین".
و ل دور شێوازێ روینشتنێ چیمان دبێژیت "ل دهستپێكێ ئهم دێ بابهتهكی ئازرینین و ل دوی فدا ئهڤ نڤیشهرێن پشكدار دێ گوتارهكێ لسهر وی بابهتی چێكهت، پاشی ژلایێ پشكداران ڤه دێ هێته ههلسهنگاندن و گوتارا سهركهفتی ژی دێ هێته خهلاتكرن".
و د چوارچویڤێ ڤان رویشتنان و دحهفتیا بوری دا رۆژنامهڤان شرین یوسف ژ رادیویا بههدینان و ب بابهتێ (خوگوشتن ل دهوكێ) خهلات ب دهستڤهئینان بو.
گهورهکردنی فۆنت
