PUKmedia رقیب محمود     2010-07-09       09:50:06
د ئێڤیاره‌كا ره‌وشه‌نبیری دا دوو سمینار ل دور ره‌خنه‌یا ره‌وشه‌نبیری و هه‌لبسه‌ت وه‌ك نمونه‌ بو ماموستا نعمت الله نهێلی، و داهێنان د هه‌لبه‌ستێ دا بو ته‌حسین ناڤشكی هاتنه‌ پێشكێشكرن،و دناڤ ڤێ  روینشتنێ دا ئه‌وا ب هه‌لكه‌فتا سێ سالیا دانانا كومه‌لا هه‌لبه‌ستڤانێن گه‌نج ب هاریكاریا رێڤه‌به‌ریا سه‌نته‌ره‌كان و تیپێن هونه‌ری – دهوك هاتیه‌ رێكخستن چه‌ند په‌رتوكێن به‌رهه‌مێن ڤان گه‌نجان هاتنه‌ به‌لاڤكرن.
و ل دور ڤێ ئێڤاریێ سه‌روكێ كومه‌لا هه‌لبه‌ستڤانێن گه‌نج هه‌لگورد قه‌هار بو PUKmedia گوت: ئه‌ڤه‌ سالا سیێ یه‌ لسه‌ر یێ ڤێ كومه‌لێ دا دبوریت، من دڤێت دڤێ روژێ دا مزگینیا هه‌ره‌ مه‌زن بده‌مه‌ هه‌لبه‌ستڤانێن گه‌نج كو گوڤاره‌ك یان ژی دێ بێژین به‌لاڤوكه‌ك بناڤێ هه‌لبه‌ست كه‌تیه‌ به‌رده‌ست، و هه‌ر كه‌س دشێت هه‌لبه‌ستێن خو و هه‌روه‌سا تشتێ خو یێ ره‌خنێ ژی دڤێ به‌لاڤوكێ دا به‌لاڤكه‌ن.
كومه‌لا هه‌لبه‌ستڤانێن گه‌نجی ل 7 تیرمه‌ها سالا 2007 هاتیه‌ دامه‌زراندن و نوكه‌ 148 ئه‌ندام ل سه‌رانسه‌ری ده‌ڤه‌را به‌هدینان هه‌نه‌، و پیته‌ ب پێشڤه‌برنا شیانێن گه‌نجان د ده‌ت.