PUKmedia رێبین محه‌مه‌د 19:34:16  2010-04-19
به‌سه‌رپه‌رشتی به‌ڕێوه‌به‌رایه‌تی په‌روه‌رده‌ی سلێمانی ئه‌مڕۆ  19/4 له‌هۆڵی داخراوی یانه‌ی ده‌ربه‌ندیخان چالاكی ساڵانه‌ی خوێندنگاو قوتابخانه‌ بنه‌ڕه‌تییه‌كان به‌ڕێوه‌چوو، كه‌ پێكهاتبوو له‌چه‌ند چالاكی هونه‌ری (شێوه‌كاری، هه‌ڵپه‌ڕكێ، میوزیك، شانۆ) كه‌ تێیدا 15 خوێندنگا به‌شداربوون و چه‌ند لیژنه‌یه‌كی پسپۆڕی بواره‌ جیاوازه‌كان تێیدا دانرابوون بۆ هه‌ڵسه‌نگاندنی به‌رهه‌مه‌كان، پاشانیش خه‌ڵاتی به‌رهه‌مه‌ سه‌ركه‌وتووه‌كان كراو 5 خوێندكاری به‌هره‌مه‌ند هه‌ڵبژێردران بۆ چالاكییه‌كانی هه‌رێم له‌ هه‌ولێر.
م.كۆچه‌ر سه‌رپه‌رشتیاری شێوه‌كاری فێستیڤاڵ به‌ PUKmedia ی راگه‌یاند: ئه‌مساڵ یه‌كه‌م فێستیڤاڵه‌ كه‌ له‌ ده‌ربه‌ندیخان به‌ فراوانی ده‌كرێت بۆ سه‌رجه‌م خوێندنگاكان، به‌ڵام گرفتی نه‌بوونی هۆڵی شیاو و رێكخستنی فێستیڤاڵه‌كه‌ كه‌مته‌رخه‌می تیادا كراوه‌، به‌ئومێدین له‌ساڵانی داهاتوودا ئه‌مه‌ دووباره‌ نه‌بێته‌وه‌و حكومه‌تی هه‌رێمی كوردستان هۆڵی گونجاو دروست بكات بۆمان.