هێزه‌ سه‌ربازییه‌كانی موسڵ گه‌وره‌ به‌رپرسێكی سه‌ر به‌ده‌وڵه‌تی به‌ناو ئیسلامی عیراق ده‌ستگیرده‌كه‌ن
 

        
PUKmedia هه‌ولێر – حسێن ئه‌حمه‌د    18:25       18/11/2008
شه‌وی 17/18-11 له‌هه‌ڵمه‌تێكی پشكنینی هێزه‌كانی سوپای عیراق له‌گه‌ڕه‌كی عه‌ده‌ن - ی خۆرهه‌ڵاتی شاری موسڵ و له‌پاش وه‌رگرتنی زانیاری ده‌زگا زانیارییه‌كان، ئه‌بو عه‌لا سه‌بعاوی، كه‌ پێده‌چت وه‌زیری راگه‌یاندنی سه‌ر به‌ده‌وڵه‌تی به‌ناو ئیسلامی عیراق بێت، ده‌ستگیركرد.
سه‌رچاوه‌یه‌ك له‌فه‌رمانده‌ی ئۆپه‌راسیۆنی نه‌ینه‌وا به‌ PUKmedia ی راگه‌یاند: به‌پێی زانیاری و لێكۆڵینه‌وه‌ سه‌ره‌تاییه‌كانی سوپای عیراق له‌و شاره‌ توانرا ئه‌و تاوانباره‌ ده‌ستگیربكرێت كه‌ پێده‌چێت وه‌زیری راگه‌یاندنی به‌ناو ده‌وڵه‌تی ئیسلامی عیراق بێت.
وتیشی: له‌ماوه‌ی داهاتوو له‌دوای ته‌واوبوونی لێكۆڵینه‌وه‌كان كه‌ له‌لایه‌ن ده‌زگا ئه‌منیه‌كان داڕێژراوه‌ زانیاری زیاتر سه‌باره‌ت به‌و تاوانباره‌ ده‌ستگیركراوه‌ ئاشكرا ده‌كه‌ین.