بۆ ناسینه‌وه‌ی رووفاته‌كانی خه‌له‌كان پشكنین بۆ كه‌سوكاریان ده‌كرێت

وێنه‌ی ئه‌رشیف

سه‌عات 10.30 به‌یانی ئه‌مڕۆ 8-6 له‌ پزیشكی دادوه‌ری له‌ شاری سلێمانی، پشكنینی خوێن، بۆ كه‌سوكاری ئه‌و قوربانیانه‌ ده‌كرێت كه‌ له‌ گۆڕه‌ به‌كۆمه‌ڵه‌كانی خه‌له‌كان دۆزرانه‌وه‌.

له‌ چه‌ند رۆژی رابردوودا، به‌هاوكاری و هه‌ماهه‌نگی له‌ نێوان وه‌زاره‌تی مافی مرۆڤی عیراق و وه‌زاره‌تی كاروباری شه‌هیدان و ئه‌نفالكراوانی حكومه‌تی هه‌رێمی كوردستان له‌گه‌ڵ وه‌زاره‌تی ته‌ندرستی عیراق و هه‌رێمی كوردستان، له‌ گۆڕێكی به‌ كۆمه‌ڵ له‌ خه‌له‌كان 5 روفات دۆزرانه‌وه‌و ده‌رهێندران و ره‌وانه‌ی پزیشكی دادوه‌ری سلێمانی كران.

وابڕیاره‌ به‌یانی ئه‌مڕۆ 8-6 به‌ ئاماده‌بوونی ئارام ئه‌حمه‌د وه‌زیری كاروباری شه‌هیدان و ئه‌نفالكراوان و لێپرسراوانی ته‌ندروستی سلێمانی و سه‌رپه‌رشتیاری گۆڕه‌ به‌كۆمه‌ڵه‌كان، نمونه‌ی خوێن له‌ كه‌سوكاری ئه‌م قوربانیانه‌ وه‌ربگیرێت و له‌هه‌مانكاتدا نمونه‌ی ئێسكی قوربانیان وه‌ربگیرێت، تا به‌راورد بكرێت بۆ ناسینه‌وه‌یان.

PUKmedia     تایبه‌ت