چه‌مچه‌ماڵ.. كه‌سێك گیانیله‌ده‌ستداو دووانی تریش سوتان

دوای پێكدادانیان ماتۆڕێكیان ئاگریگرت

پاشنیوه‌ڕۆی ئه‌مڕۆ 19 – 5 له‌ئه‌نجامی پێكدانی دوو ماتۆڕسكیله‌وه‌ كه‌سێك گیانی له‌ده‌ستداو دوو كه‌سی تریش به‌شێكیس زۆری جه‌سته‌یان سوتا.

نه‌قیب ئاسۆ حه‌مه‌ خه‌سره‌و لێپرسراوی بنكه‌ی پۆلیسی هاتووچۆی چه‌مچه‌ماڵ به‌ PUKmediaی  راگه‌یاند: له‌سه‌ر رێگه‌ی چه‌مچه‌ماڵ - شوان دوو ماتۆڕسكیل به‌یه‌كیانداوه‌ له‌ئه‌نجامی ئه‌و پێكدادانه‌شد كه‌سێك گیانی له‌ده‌ستداو دوو كه‌سی تریان به‌هۆی گڕگرتنی ماتۆڕه‌كانه‌وه‌ به‌شێكی زۆر له‌ جه‌سته‌یان سوتاوه‌ به‌هۆی زۆری برینه‌كه‌یانه‌وه‌ ره‌وانه‌ی نه‌خۆشخانه‌ی فریاكه‌وتنی سلێمان كراون.

به‌وته‌ی ناوبراو هه‌ر سێ سه‌رنشینه‌كه‌ ته‌مه‌نیان له‌نێوان 20 بۆ 25 ساڵاندایه‌.

PUKmedia هه‌ردی ئه‌بوبه‌كر - چه‌مچه‌ماڵ