رومانیا.. چه‌ند كورسییه‌كی خوێندن بۆ دهۆك ته‌رخان ده‌كرێت

ئیمزا كردنی پاداشتنامه‌یه‌كی لێك تێگه‌یشتن

به‌مه‌ره‌می زیاتر پێشخستنی بواره‌كانی ئاوه‌دانكردنه‌وه‌و گه‌شه‌پێدانی پارێزگای دهۆك، له‌ رۆژی (13)ی ئه‌م مانگه‌ وه‌فدێكی پارێزگای دهۆك به‌ سه‌رۆكایه‌تی ته‌مه‌ر ره‌مه‌زان پارێزگاری دهۆك به‌سه‌ردانێكی ره‌سمی گه‌یشتنه‌ وڵاتی رومانیا.

له‌و سه‌ردانه‌دا وه‌فدی پارێزگاری دهۆك چه‌ندین كارو به‌رنامه‌یان ئه‌نجامداو تا ئێستاش ئه‌و سه‌ره‌دانه‌ به‌رده‌وامی هه‌یه‌و له‌وانه‌ش چه‌ند كورسییه‌كی خوێندن بۆ خوێندنی باڵا ته‌رخانكرا.

حه‌مید سالح ئه‌ندامی ئه‌و وه‌فده‌ به‌ PUKmedia ی راگه‌یاند: له‌ میانی ئه‌م سه‌ره‌دانه‌دا وه‌فدی پارێزگای دهۆك پاداشتنامه‌یه‌كی لێك تێگه‌یشتنی له‌گه‌ڵ هه‌رێمی (ئاراد) له‌ وڵاتی رومانیا ئیمزا كرد، له‌ بواره‌كانی هاوكاریكردن و كردنه‌وه‌ی ده‌رگاكانی ئاوه‌دانكردنه‌وه‌و گه‌شه‌پێدانی پارێزگای دهۆك و هه‌رێمی ئاراد، هه‌روه‌ها وه‌رگرتنی هه‌ندێك كورسی خوێندن بۆ خوێندكاره‌كانی پارێزگای دهۆك كه‌ له‌ زانكۆی هه‌رێمی ئاراد دا بخوێنن.

وتیشی: له‌ كاتی ئیمزاكردنی یاداشتنامه‌كه‌دا میدیاكانی وڵاتی رومانیا گرنگیه‌كی تایبه‌تیان به‌ بابه‌ته‌كه‌ داوه‌.

هه‌ر له‌ میانی سه‌ره‌دانه‌كه‌یاندا وه‌فدی پارێزگای دهۆك، سه‌ردانی كارگه‌ی ترام-یان كرد  بۆ له‌ نزیك ئاگاداربوون له‌ پیشه‌سازی ترام، چونكه‌ پڕوژه‌ی دروستكردنی  ترامی پارێزگای دهۆك یه‌كێك له‌ ئامانجه‌ سه‌ره‌كیه‌كانی سه‌ردانی ئه‌م وه‌فده‌.

PUKmedia    سه‌لمان جه‌بار