نوجێفی داوای كۆبوونه‌وه‌ی به‌په‌له‌ ده‌كات

سه‌ركرده‌ ئه‌منییه‌كان به‌شداری كۆبوونه‌وه‌كه‌ بكه‌ن

سه‌رۆكی ئه‌نجومه‌نی نوێنه‌رانی عیراق داوای كۆبوونه‌وه‌یه‌كی به‌په‌له‌ ده‌كات به‌ئاماده‌بوونی وه‌زیری به‌رگری و فه‌رمانده‌ ئه‌منییه‌كان تا رونكردنه‌وه‌ی پێویست له‌باره‌ی تێچكونی بارودخۆی ئه‌منی عیراقیه‌وه‌ بده‌ن.
هه‌رچه‌نده‌ له‌ئێستادا ئه‌نجومه‌نی نوێنه‌رانی عیراق له‌پشوی ره‌سمیدایه‌، به‌ڵام نوسینگه‌ی رایگه‌یاندنی ئوسامه‌ نوجێفی سه‌رۆكی ئه‌نجومه‌نی نوێنه‌رانی عیراق له‌به‌یاننامه‌یه‌كدا رایگه‌یاند: ئوسامه‌ نوجێفی داوای ئه‌نجامدانی كۆبوونه‌وه‌یه‌كی به‌په‌له‌ی ئه‌نجومه‌نی نوێنه‌راندا ده‌كات له‌باره‌ی خراپی بارودخۆی ئه‌منییه‌وه‌ كه‌ رۆژی سێ شه‌ممه‌ی داهاتوو سازبكرێت و تیایدا سه‌عدون دلێمی وه‌زبری به‌رگری عیراق به‌وه‌كاله‌ت له‌گه‌ڵ فه‌رمانده‌ ئه‌منییه‌كانی عیراق ئاماده‌بن بۆ گفتوگۆكردن له‌باره‌ی تێكچوونی باریودخۆی ئه‌منییه‌وه‌.  
هه‌ر به‌پێی به‌یاننامه‌: ئه‌م هه‌فته‌یه‌ عیراق خوێناوی ترین هه‌فته‌ی به‌ڕێكرد، كه‌ ئه‌وه‌ش به‌ڵگه‌یه‌ له‌سه‌ر شكستهێنانی حكومه‌ت و ده‌زگا ئه‌منییه‌كان بۆ پاراستنی گیانی هاووڵاتیان كه‌ یه‌كێكه‌ له‌كاره‌ سه‌ره‌كییه‌كانیان.
نوجێفی داواشده‌كات له‌و كۆبوونه‌وه‌ به‌په‌له‌یه‌دا هه‌ریه‌ك له‌سه‌عدون دلێمی وه‌زیری به‌رگری عیراق به‌وه‌كاله‌ت و عه‌دنان ئه‌سه‌دی بریكاری پێشكه‌وتوی وه‌زیری ناوخۆی عیراق و به‌ڕێوه‌به‌ری ده‌زگای هه‌واڵگری و فه‌ریق روكن ئه‌حمه‌د هاشم عوده‌  فه‌رمانده‌ی ئۆپراسیۆنی به‌غداو عه‌بدولئه‌میر زه‌یدی فه‌رمانده‌ی ئۆپراسیۆنی دیجله‌ ئاماده‌بن بۆ گفتوگۆكردن له‌باره‌ی ئه‌و بارودۆخه‌ مه‌ترسیداره‌و رونكردنه‌وه‌ی رازیكه‌ر بخه‌نه‌ڕوو تا گه‌لی عیراق رازی بكات.

PUKmedia