روسیا: هه‌زاران تیرۆرست له‌ توركیاوه‌ چوونه‌ته‌ ناو خاكی سوریا

.

نوێنه‌ری روسیا له‌نه‌ته‌وه‌ یه‌كگرتووه‌كان ئاشكرایكردوه‌، له‌سه‌روبه‌ندی ئاگربه‌ست له‌سوریا، به‌هه‌زاران تیرۆرست له‌خاكی توركیاوه‌ هاتوونه‌ته‌ ناو خاكی سوریا.

ڤیتالی جوكین نوێنه‌ری روسیا نه‌ته‌وه‌ یه‌كگرتووه‌كان رایگه‌یاندوه‌، به‌سود وه‌رگرتن له‌ئاگربه‌ست ، گروپی تیرۆرستی به‌ره‌ی نوسڕه‌ ده‌هه‌زار تیرۆرستیان له‌ده‌وروبه‌ری شاری حه‌له‌ب جێگركردوه‌و گه‌مارۆی شاره‌كه‌یان داوه‌.

وتیشی: ئه‌مه‌ش ده‌گه‌ڕێته‌وه‌ بۆ ئه‌و هه‌زاران تیرۆرسته‌ی كه‌ ئاگربه‌ستیان له‌سوریا به‌هه‌لزانیوه‌و له‌ڕێگه‌ی توركیاوه‌ هاتوونه‌ته‌ ناو خاكی سوریا . 

له‌به‌رامبه‌ریشدا سامانتا پور نوێنه‌ری ئه‌مریكا له‌نه‌ته‌وه‌ یه‌كگرتووه‌كان ئه‌و زانیاریانه‌ی ره‌تكردوه‌ته‌وه‌و به‌زیاده‌ڕه‌وی زانیوه‌ له‌شیكردنه‌وه‌و بڵاوكردنه‌وه‌ی ئه‌و زانیاریانه‌ی و پێچه‌وانه‌كه‌ی به‌دروست زانیوه‌ كه‌ ژماره‌ی تیرۆرستان به‌رێژه‌یه‌كی به‌رچاو كه‌میان كردوه‌ .

PUKmedia  و،سامان یاروه‌یس