تیرۆرستان كورده‌كانی حه‌له‌ب بۆردومان ده‌كه‌ن

.

تیرۆرستانی به‌ره‌ی نوسڕه‌و ئه‌حرار ئه‌لشام له‌ئێواره‌ی ئه‌مڕۆوه‌ تاكو ئێستا به‌چڕی و به‌شێوه‌یه‌كی هه‌ڕه‌مه‌كی ناوچه‌ی شێخ مه‌قسودی كوردنشین له‌شاری حه‌له‌ب بۆردومان ده‌كه‌ن . 

شیمار حیمۆ چالاكوانی سیاسی له‌رۆژئاوای كوردستان به‌ PUKmedia ی راگه‌یاند، تیرۆرستانی به‌ره‌ی نوسڕه‌و ئه‌حرار ئه‌لشام به‌شێوه‌یه‌كی هه‌ڕه‌مه‌كی هاووڵاتیانی مه‌ده‌نی له‌ ناوچه‌ی شێخ مه‌قسودی شاری حه‌له‌ب بۆردومان ده‌كه‌ن .

وتیشی: به‌پێی زانیاریه‌كان ژماره‌یه‌كی زۆر هاووڵاتی شه‌هیدو برینداربوون و ره‌وانه‌ی نه‌خۆشخانه‌كان كراون . 

بۆردومانی تیرۆرستان بۆ سه‌ر شێخ مه‌قسود له‌كاتێكدایه‌ كه‌ شه‌ڕڤانان له‌چه‌ند قۆڵێكه‌وه‌ له‌باكوری حه‌له‌ب به‌رده‌وامن له‌پێشڕه‌وی . 

PUKmedia  سامان یاروه‌یس