روسیا تۆمه‌ته‌كانی توركیا ره‌تده‌كاته‌وه‌

هێرشه‌كه‌ی سه‌ر نه‌خۆشخانه‌كه‌ی ئیدله‌ب

روسیا بۆردومانكردنی نه‌خۆشخانه‌یه‌كی رێكخراوی پزیشكانی بێ سنووری له‌ شاری ئیدله‌بی سوریا ره‌تكرده‌وه‌.

ئاژانسه‌كانی هه‌واڵی روسیار ئه‌مڕۆ 16-2-2016، له‌ زاری به‌رپرسانی باڵای وه‌زاره‌تی به‌رگری روسیاوه‌ بڵاویانكرده‌وه‌، كه‌شتیگه‌لی جه‌نگی روسیا توانای ئه‌وه‌ی موشه‌كی دورمه‌وداو بالیستی له‌و جۆره‌ هه‌ڵبگرێت كه‌ نه‌خۆشخانه‌كه‌ی شاری ئیدله‌بی سوریای پێ بۆردومانكراوه‌.

ئه‌و سه‌رچاوه‌یه‌ راشیگه‌یاند: هێرشه‌كانی روسیا به‌ مووشه‌كی دورمه‌وداو بالیستی، به‌شێوازێكی ژیرانه‌ كارده‌كات و ئامانجه‌كانی دیاریكراوه‌و هه‌ڵه‌ ناكات، بۆردمانی ئه‌و نه‌خۆشخانه‌یه‌ش بۆ تێوه‌گلان و ترۆمه‌تباریكردنی روسیایه‌ به‌ تاوانی جه‌نگ له‌لایه‌ن ده‌وڵه‌تانی تره‌وه‌ .

جێگای باسه‌ چه‌ند رۆژێك له‌مه‌وبه‌ر له‌رێگه‌ی مووشه‌كه‌وه‌ بۆردومانی نه‌خۆشخانه‌یه‌كی رێكخراروی پزیشكانی بێ سنوور له‌شاری ئیدله‌بی سوریا كراوه‌و به‌و هۆیه‌شه‌وه‌ چه‌ندین هاووڵاتی مه‌ده‌نی كوژران و توركیاش روسیای به‌ ئه‌نجامدانی ئه‌و هێرشه‌ تۆمه‌تبار كرد.

PUKmedia ئاژانسه‌كان