قوباد تاڵه‌بانی وه‌ڵامی عه‌بادی ده‌داته‌وه‌

.

قوباد تاڵه‌بانی جێگری سه‌رۆكی حكومه‌تی هه‌رێمی كوردستان وه‌ڵامی حه‌یده‌ر عه‌بادی سه‌رۆك وه‌زیرانی عیراق ده‌داته‌وه‌.

دوای ئه‌وه‌ی حه‌یده‌ر عه‌بادی رایگه‌یاندبوو كه‌ ئه‌گه‌ر حكومه‌تی هه‌رێم نه‌وته‌كه‌یان بده‌نه‌ حكومه‌تی ناوه‌ند، ئه‌وا مووچه‌ی فه‌رمانبه‌رانی هه‌رێم دابین ده‌كه‌ین، ئێواره‌ی ئه‌مڕۆ 16-2-2016 قوباد تاڵه‌بانی جێگری سه‌رۆكی حكومه‌تی هه‌رێمی كوردستان له‌په‌یجی ره‌سمی خۆی له‌تۆڕی كۆمه‌ڵایه‌تی فه‌یسبووك به‌مشێوه‌یه‌ وه‌كو وه‌ڵامێك پۆستێكی بڵاوكردووه‌ته‌وه‌.

ده‌قی پۆسته‌كه‌:
"ئەگەر بەغدا موچەی تەواوی موچەخۆرانی ھەرێمی کوردستان دابین بکات بەھێزی پێشمەرگەشەوە، ئێمەش بەئاسایی و ئاسانی دەتوانین لەگەڵی رێکبکەوین."

PUKmedia ئا/ لانه‌ كاشان