رزگاركردنه‌وه‌ی موسڵ نزیكه‌

.

كه‌مێك پێش ئێستا هێزێكی زۆری سوپای عیراق له‌شاری به‌غداوه‌ به‌ره‌و ده‌شته‌كانی قه‌زای مه‌خموور ره‌وانه‌كرا.

له‌و باره‌یه‌وه‌ شێخ سه‌عد محه‌مه‌د فه‌رمانده‌ی لیوای 5 ی هێزه‌كانی پێشمه‌رگه‌ له‌سنووره‌كه‌ به‌ PUKmedia ی راگه‌یاند: كه‌مێك پێش ئێستا هێزێكی زۆری سوپای عیراق به‌قه‌زای خورماتوودا به‌ره‌و ده‌شتاییه‌كانی قه‌زای مه‌خموور به‌رێكران.

وتیشی: هاتنی ئه‌و هێزه‌ زۆره‌ی عیراق به‌ئاگاداری هێزه‌كانی پێشمه‌رگه‌بووه‌و بڕیاره‌ له‌گه‌ڵ هێزه‌كانی پێشمه‌رگه‌دا به‌شداری ئازادكردنه‌وه‌ی شاری موسڵ له‌ده‌ست تیرۆرستان بكه‌ن.

شێخ سه‌عد محه‌مه‌د ئه‌وه‌شی خسته‌ڕوو: هیچ چه‌كدارێكی حه‌شدی شه‌عبی به‌شداری شه‌ڕی ئازاد كردنه‌وه‌ی موسڵ ناكات و ئه‌مه‌ش سێهه‌م كاروانی هێزه‌كانی سوپای عیراق كه‌له‌ به‌قه‌زای خورماتوودا به‌ره‌و مه‌خموور تێده‌په‌ڕن.

PUKmedia ریڤان گه‌رمیانی