نۆ سه‌ربازی عیراق كوژران

.

هیلیكۆپته‌رێكی  سه‌ربه‌وه‌زاره‌تی به‌رگری عیراق له‌ پارێزگای واست ده‌كه‌وێته‌ خواره‌وه‌و به‌و هۆیه‌وه‌ نۆ كه‌س گیانله‌ده‌ستده‌ده‌ن كه‌ یه‌كێكیان ئه‌فسه‌ره‌ . 

سه‌رچاوه‌یه‌كی تایبه‌ت له‌وه‌زاره‌تی به‌رگری عیراق به‌ PUKmedia ی راگه‌یاند، له‌كاتی گه‌ڕانه‌وه‌یدا به‌ره‌و شاری به‌غدا هیلكۆپته‌رێكی سوپای عیراق له‌ پارێزگای واست كه‌وتووه‌ته‌ خواره‌وه‌و زیانی گیانی  و ماددی لێكه‌وتووه‌ته‌وه‌.

وتیشی: به‌پێی زانیاریه‌ سه‌ره‌تاییه‌كان نۆ كه‌س گیانیانلده‌ستداوه‌ كه‌یه‌كێكیان ئه‌فسه‌ره‌ له‌سوپای عیراق و نازانرێت جگه‌له‌و نۆ كه‌سه‌ كه‌سی تر له‌ناو فڕۆكه‌كه‌دا هه‌بووه‌ یان نا .

رونیشكرده‌وه‌، ئه‌و هیلیكۆپته‌ره‌ هاتوچۆی له‌ نێوان به‌سڕه‌و به‌غدادا كردوه‌و  گومانی زۆر ده‌كرێت به‌هۆی هه‌ڵه‌ی ته‌كنیكیه‌وه‌ بێت ، و لێكۆڵینه‌وه‌ له‌وباره‌یه‌وه‌ ده‌ستی پێكردوه‌ .

جه‌ختیكرده‌وه‌، وه‌فدێكی وه‌زاره‌تی به‌رگری عیراق گه‌یشتووه‌ته‌ شوێنی رووداوه‌كه‌ . 

PUKmedia  سامان یاروه‌یس