شه‌ڕ له‌ناوچه‌یه‌كی تری باكوری كوردستان هه‌ڵگیرسا

.

دوای تێپه‌ڕبوونی كاروانی ئۆتۆمبێله‌ سه‌ربازیه‌كانی سوپای توركیا به‌ناحیه‌یه‌كی سه‌ربه‌پارێزگای شه‌ڕناغ كه‌ به‌ره‌و جه‌زیره‌ له‌باكوری كوردستان دڕۆیشتن له‌لایه‌ن گه‌ریلاوه‌ هێرشیان كراوه‌ته‌ سه‌ر . 

ئه‌حمه‌د سرین ئه‌كیش چالاكوانی سیاسی له‌باكوری كوردستان به‌ PUKmedia ی راگه‌یاند، به‌پێی ئه‌و زانیاریانه‌ی كه‌له‌ پارێزگای شه‌ڕناغه‌وه‌ ده‌ستكه‌وتوون، دوای تێپه‌ڕبوونی كاروانێكی سه‌ربازی سوپای توركیا به‌ ناحیه‌ی هزخی سه‌ربه‌پارێزگای شه‌ڕناغ له‌لایه‌ن گه‌ریلاوه‌ هێرشیان كراوه‌ته‌ سه‌ر . 

وتیشی: ده‌نگی ته‌قینه‌وه‌یه‌كی گه‌وره‌ بیستراوه‌و زیاتر له‌ چوار برینداریش ره‌وانه‌ی نه‌خۆشخانه‌یه‌كی سه‌ربازی سوپای توركیا كراوه‌ له‌و ناوچه‌یه‌دا ، به‌ڵام هیچ زانیاریه‌كی ره‌سمی ئاشكرانه‌كراوه‌ .

رونیشكرده‌وه‌، ئه‌و كاروانه‌ سه‌ربازیه‌ی سوپای توركیا به‌چه‌كی قورسه‌وه‌ به‌ره‌و شاری جه‌زیره‌ رۆیشتبوون كه‌ دوو مانگه‌ بۆردومانده‌كرێت .

PUKmedia  سامان یاروه‌یس