كوردێك دووەمی جیهانە لە پڕۆگرامسازی كۆمپیوتەردا

سۆران سەلیمیان

خوێندکارێکی کوردی خەڵکی شاری جوانڕۆ، لەبواری بەرنامەنووسی (پڕۆگرامسازی) کۆمپیوتەردا، لەسەر ئاستی جیهان پلەی یەکەم بەدەستدەهێنێت.

بەپێی راپۆرتی بەشی راگەیاندنی ئیدارەی پەروەردە و راهێنانی شاری جوانڕۆ، سۆران سەلیمیان- ی تەمەن 18 ساڵان، كە خوێندکاری قۆناغی پێش زانكۆیە، لە رکابەری بەرنامەنووسی کۆمپیوتەردا کە لە شاری فرانکفۆرتی وڵاتی ئەڵمانیا بەڕێوەچوو، لەسەر ئاستی جیهاندا پلەی یەکەمی بەدەستهێنا.

پێشتریش لە رکابەرییەكانی رۆژئاوای ئێراندا، ئەو خوێندكارە توانیبووی پلەی یەکەم لە بواری بەکارهێنانی نەرماڵەی (software) کۆمپیوتەردا بەدەستبهێنێت.

هەروەها لە رکابەرییە جیهانییەکاندا کە لەلایەن رێکخراوی نەتەوە یەکگرتووەکانەوە بەڕێوەچوو، پلەی دووەمی جیهانی بەدەستهێنابوو.


سەرچاوە/ ئاژانسی کوردپا


PUKmedia