بۆردومانه‌كانی روسیا ئه‌بوبه‌كر به‌غدادی ناچار به‌هه‌ڵاتن ده‌كات

زیانی گه‌وره‌ به‌داعش گه‌یه‌نراوه‌

پێگه‌ی سۆمه‌ریه‌نیوز له‌هه‌واڵێكیدا به‌پشت به‌ستن به‌ زانیاری هه‌واڵگری ئاشكرایكردوه‌، ئه‌بوبه‌كر به‌غدادی له‌گه‌ڵ ژماره‌یه‌ك له‌سه‌ركرده‌كانی داعش  موسڵی به‌ره‌و ناوچه‌یه‌كی سنوری له‌نێوان سوریا و عیراق به‌جێهێشتوون. 

پێگه‌ عیراقیه‌كه‌ رونیكردوه‌ته‌وه‌: پێده‌چێت ئه‌و ناوچه‌یه‌ ئه‌لبوكه‌مال بێت  له‌سنوری پارێزگای ئه‌نبار، كه‌ هاوكات له‌سنوری سوریاشه‌ و ژماره‌یه‌ك سه‌ركرده‌ی عیراقی و بیانیشی تێدایه‌ و زیاتر له‌چه‌ند شوێنێك خۆیان حه‌شارداوه‌ .

سۆمه‌ریه‌نیوز، هۆكاری هه‌ڵاتنی به‌غدادی  بۆ زیانه‌كانی داعش گه‌ڕاندوه‌ته‌وه‌، كه‌ ده‌رئه‌نجامی بۆردومانه‌كانی روسیا به‌ریان كه‌وتووه‌.

له‌لایه‌كی تریشه‌وه‌ پێشتر چه‌ند ئاژانسێكی روسیا بڵاویانكردبوه‌وه‌، فلادیمێر پۆتین سه‌رۆك كۆماری روسیا داوایكردوه‌ كه‌ ئه‌بوبه‌كر به‌غدادی و سه‌ركرده‌كانی داعش به‌زیندوی ده‌ستگیربكه‌ن ، بۆ ئه‌وه‌ی له‌روسیا دادگایبكرێن و ده‌سته‌كانی پشتی دروستبوونی داعش ئاشكرابكه‌ن. 

PUKmedia  و  ، سامان یاروه‌یس