به‌ وێنه‌و ڤیدیۆ.. ته‌نی جیاواز له‌سه‌ر بوركانێك ده‌بینرێت

بووه‌ته‌ مایه‌ی نیگه‌رانی خه‌ڵك

به‌پێی زانیاری ئاژانسه‌كانی هه‌واڵی ئه‌مریكای باكور ماوه‌یه‌كه‌ چه‌ند ته‌نێكی ره‌نگ سپی به‌سه‌ر بوركانی پۆیۆ كاتیتل له‌وڵاتی مه‌كسیك ده‌بینرێت ، كه‌ هه‌ندێك له‌شاره‌زایان پێیانوایه‌ چه‌ند ناوه‌ندێكی زانستی به‌شێوه‌یه‌كی نهێنی لێكۆڵینه‌وه‌ له‌سه‌ر بوركانه‌كه‌ ده‌كه‌ن . 

ده‌یلی مێڵی به‌ریتانیا ئاشكرایكردوه‌: شاره‌زایان و چاودێرانی ژینگه‌ی و كاریگه‌ریه‌ سروشتیه‌كانی مه‌كسیك له‌كاتی ته‌قینه‌وه‌ی بوركانه‌كه‌دا ته‌نێكی سپی شێوه‌ی پاكێتی جگه‌ره‌یان به‌سه‌ر بوركانه‌كه‌دا بینیوه‌ كه‌چه‌ند جارێك به‌سه‌ریدا هاتووچۆیكردوه‌.

رونیشكراوه‌ته‌وه‌: هه‌ندێك له‌شاره‌زایان پێیانوایه‌ له‌رێگه‌ی دوره‌وه‌و به‌كۆمپیوته‌ری تایبه‌ت به‌ لێكۆڵینه‌وه‌ له‌ كاریگه‌ریه‌ سروشتیه‌ گه‌وره‌كان له‌لایه‌ن وڵاتانی تره‌وه‌ ده‌ست به‌لێكۆڵینه‌وه‌ له‌رووداوه‌كانی ناو بوركانه‌كه‌ كراوه‌و زانیاری له‌سه‌ر كۆده‌كرێته‌وه‌ . 

بڵاوبوونه‌وه‌ی وێنه‌ی ئه‌و ته‌نه‌ سپیه‌ له‌تۆڕه‌ كۆمه‌ڵایه‌تیه‌كان هاووڵاتیانی ناوچه‌كه‌ی توشی دڵه‌ڕاوكێی و نیگه‌رانیكردوه‌و چه‌ندین بۆچوونی جیاوازی له‌سه‌ر دروست بووه‌ . 

PUKmedia   و، سامان یاروه‌یس 

لینكی یارمه‌تیده‌ر( بۆبینینی گرته‌ ڤیدیۆیه‌كه‌ ئێره‌ كلیك بكه‌)