روسیا: ده‌مانه‌وێت رێگه‌كانی هاوكاری بۆ داعش په‌كبخه‌ین

زیانی گه‌وره‌ له‌ داعش دراوه‌

هێزی ئاسمانی روسیا 20 هێرشی ئاسمانی نوێی بۆسه‌ر مۆڵگه‌و باره‌گاكانی رێكخراوی تیرۆرستی داعش له‌ سوریا رایگه‌یاند.

وه‌زاره‌تی به‌رگری روسیا ئه‌مڕۆ 4-10-2015، رایگه‌یاند: فڕۆكه‌ جه‌نگییه‌كانی روسیا 20 هێرشی ئاسمانی نوێیان بۆسه‌ر تیرۆرستانی داعش له‌ نێو خاكی سوریا ئه‌نجامداوه‌.

ئه‌و سه‌رچاوه‌یه‌ راشیگه‌یاند: هێرشه‌ ئاسمانییه‌كان 10 ئامانجی گرنگی رێكخراوی تیرۆرستی داعشیان كردۆته‌ ئامانج و چه‌ندین سه‌ربازگه‌و شوێنی گرنگی داعشیان وێرانكردوه‌و زیانێكی زۆریان له‌و رێكخراوه‌ تیرۆرستییه‌ داوه‌.

وه‌زاره‌تی به‌رگری روسیا ئاماژه‌ی به‌وه‌شداوه‌، ده‌یانه‌وێت له‌رێگه‌ی هێرشه‌ ئاسمانییه‌كانه‌وه‌ سه‌رچاوه‌و رێگاكانی گه‌یشتنی هاوكاری بۆ رێكخراوی تیرۆرستی داعش ببڕن و به‌ته‌واوتی رێگه‌ له‌چالاكییه‌كانی ئه‌و رێكخراوه‌ بگرن.

PUKmedia رۆیته‌رز