ئاماده‌كاریی بۆ پاككردنه‌وه‌ی موسڵ ده‌كرێت

عه‌بادی و سه‌لیم جبوری كۆده‌بنه‌وه‌

سه‌رۆكی ئه‌نجومه‌نی نوێنه‌ران و سه‌رۆك وه‌زیرانی عیراق تاوتوێی به‌رده‌وامی ئۆپه‌راسیۆنه‌كانی بۆ پاككردنه‌وه‌ی رومادی و بێجی له‌ تیرۆرستان و ئاماده‌كارییه‌كانی رزگاركردنی موسڵ ده‌كه‌ن.

له‌ به‌یاننامه‌یه‌كدا نوسینگه‌ی سه‌رۆكایه‌تی ئه‌نجومه‌نی نوێنه‌رانی عیراق رایگه‌یاند: له‌ كۆبوونه‌وه‌ی نێوان سه‌لیم جبوری سه‌رۆكی ئه‌نجومه‌نی نوێنه‌رانی عیراق و حه‌یده‌ر عه‌بادی سه‌رۆك وه‌زیرانی عیراق تاوتوێی پێشكه‌وتنه‌ ئه‌منییه‌كانی بارودۆخی ئه‌منی و سیاسی كراوه‌، هاوكات گفتوگۆ له‌باره‌ی به‌رده‌وامی ئۆپه‌راسیۆنه‌كان بۆ پاككردنه‌وه‌ی رومادی و بێجی و ده‌ستپێكردنی ئاماده‌كاری بۆ رزگاركردنی شاری موسڵ له‌ داهاتوودا كراوه‌.

ئاماژه‌ بۆئه‌وه‌شده‌كات:  هه‌رله‌ كۆبوونه‌وه‌كه‌دا گفتوگۆ له‌باره‌ی داڕشتنه‌وه‌ی یاساكان و رۆڵی هه‌ردوو ئه‌نجومه‌نی نوێنه‌ران و وه‌زیران له‌ بڕیاردان له‌سه‌ر ئه‌و یاسایانه‌ كراوه‌، هه‌روه‌ها له‌باره‌ی چۆنێتی به‌ره‌وپێشچوونی په‌یوه‌ندیه‌كاتنی نێوان ده‌سه‌ڵاتی یاسادانان و جێبه‌جچكردن كراوه‌ بۆ ئه‌نجامدانی چاكسازی ریشه‌ی له‌ به‌رژه‌وه‌ندی گه‌لی عیراق.


PUKmedia  ئاژانسی هه‌واڵی براسا