ئه‌نجومه‌نی ناوه‌ندی ئیدانه‌ی شه‌هیدكردنی پۆلێك پێشمه‌رگه‌ی قاره‌مان ده‌كات

.

ئه‌نجومه‌نی ناوه‌ندی یه‌كێتیی نیشتمانیی كوردستان به‌توندی ئیدانه‌ی شه‌هیدكردنی پۆلێك پێشمه‌رگه‌ی قاره‌مانی گه‌له‌كه‌مان ده‌كات، كه‌ دیل بوون لای تیرۆرستانی داعش و به‌شێوازێكی زۆر نامرۆڤانه‌و دڕندانه‌ به‌كۆمه‌ڵ شه‌هیدكران.

له‌ڕاگه‌یه‌ندراوێكدا كه‌ كۆپییه‌كی بۆ PUKmedia نێردراوه‌، هاتووه‌: ئه‌نجامدانی ئه‌و تاوانه‌ كه‌ دووره‌ له‌هه‌موو قیه‌م و به‌های ئاینی و یاسایی و مرۆڤایه‌تی رووی راسته‌قینه‌ی ئه‌و رێكخراوه‌ تیرۆریستییه‌ ده‌رده‌خات كه‌ مه‌ترسییه‌ له‌سه‌ر هه‌موو مرۆڤایه‌تی به‌تایبه‌تی له‌سه‌ر گه‌لی كوردستان.

له‌به‌شێكی تریشیدا هاتووه‌: به‌م بۆنه‌یه‌وه‌ سه‌ره‌خۆشی له‌كه‌سوكارو هاوسه‌نگه‌رانی ئه‌و پۆله‌ شه‌هیده‌ قاره‌مانه‌ ده‌كه‌ین و داوا له‌كۆمه‌ڵگای نێوده‌وڵه‌تی ده‌كه‌ین هه‌وڵه‌كانیان چڕترو جدیتر بكه‌ن بۆ روبه‌ڕووبونه‌وه‌ی تیرۆرستانی داعش و یارمه‌تیدانی زیاتری هێزی پێشمه‌رگه‌ی كوردستان.

 هیوادارین گیانی پاكی شه‌هیدان له‌ به‌هه‌شتی به‌رین شادبێت.

نه‌مری بۆ شه‌هیدان و سه‌ركه‌وتن بۆ هێزی پێشمه‌رگه‌ی كوردستان.

ئه‌نجومه‌نی ناوه‌ندی
یه‌كێتیی نیشتمانیی كوردستان

PUKmedia  تایبه‌ت