riklam

مۆنۆمێنتی شه‌هیدانی گوندی زنانه‌ كرایه‌وه‌

جینۆساید‌‌ 03:33 PM - 2015-10-01
.

.

له‌چوارچێوه‌ی چالاكییه‌كانی یه‌كه‌م كۆنفرانسی تایبه‌ت به‌جینرساید كه‌ بۆماوه‌ی سێ رۆژ له‌گه‌رمیان درێژه‌ی ده‌بێت، ئه‌مڕۆ 1-10-2015 به‌ئاماده‌بوونی ئه‌ندامانی په‌رله‌مان و نوێنه‌ری وه‌زاره‌تی كاروباری شه‌هیدان و ئه‌نفالكراوان و لێپرسراوانی حكومی ناوچه‌كه‌و ژماره‌یه‌ك له‌كه‌سوكاری ئه‌نفالكراوان، مۆنۆمێنتی شه‌هیدانی زنانه‌ كرایه‌وه‌ كه‌ له‌سه‌ر ئه‌ركی په‌رله‌مانتارێكی پێشووی یه‌كێتیی نیشتمانیی كوردستان بنیادنراوه‌.

مۆنۆمێنتی زنانه‌ كه‌ له‌ 8 پاڵو پێكدێت، له‌ دیوار به‌ندییه‌كه‌دا ناوی 385 شه‌هیدی هه‌ردوو زنانه‌ی سه‌روو و خواروو له‌خۆده‌گرێت، به‌رنامه‌ی ئه‌وه‌ی بۆ دانراوه‌ كه‌ له‌داهاتوودا فراوان بكرێت تا بكرێته‌ سه‌نته‌رێكی لێكۆڵینه‌وه‌ی جنیۆساید له‌و سنووره‌.

له‌ وته‌یه‌كدا گوڵاڵه‌ گه‌رمیانی ئه‌ندامی په‌رله‌مانی خولی پێشوی په‌رله‌مان، دوای به‌خێرهێنانی میوانان رایگه‌یاند كه‌ ئه‌وكاره‌ به‌ئه‌ركی سه‌رشانی خۆی و ئه‌ركێكی نیشتمانی ده‌زانێت و وتی: من بۆماوه‌ی خولێكی په‌رله‌مان ئه‌ندام بووم وه‌كو نوێنه‌ری خه‌ڵكی ئه‌و سنووره‌، بۆیه‌ به‌ئه‌ركی سه‌رشانی خۆمم زانی وه‌كو وه‌فایه‌ك بۆ خوێنی شه‌هیدان ئه‌مكاره‌ بكه‌م و به‌ڵێنیش ده‌ده‌م هه‌ركارێك بۆم بكرێت له‌پێناو شه‌هیدانی ئه‌نفالی سنوره‌كه‌ بیكه‌م.

په‌ری نوری عه‌زیز به‌ڕێوه‌به‌ری گشتی له‌وه‌زاره‌تی كاروباری شه‌هیدان و ئه‌نفالكراوان و سه‌رپه‌رشتیاری گۆڕه‌ به‌كۆمه‌ڵه‌كان ده‌ستخۆشی ئه‌وكاره‌ی كردو هیوای خواست بتوانرێت ریز له‌خه‌بات و قوربانیدانی شه‌هیدان له‌و سنووره‌ بگیرێت. هه‌روه‌ها تیشكی خسته‌سه‌ر كاری چه‌ند ساڵه‌ی وه‌كو سه‌په‌رشتیاری گۆڕه‌ به‌كۆمه‌ڵه‌كان كه‌ كاریان بۆ هێنانه‌وه‌و هه‌ڵدانه‌وه‌ی گۆڕه‌ به‌كۆمه‌ڵه‌كان كردووه‌و رایگه‌یاند كه‌ پرۆسه‌ی هه‌ڵدانه‌وه‌ی گۆڕه‌ به‌گۆمه‌ڵه‌كان درێژه‌ی هه‌یه‌، به‌ڵام قیرانی دارایی و شه‌ڕی سه‌پاوی داعش كاریگه‌ری نه‌رێنی كردووه‌ته‌سه‌ر پرۆژه‌كه‌.

ئه‌ندامانی ئه‌نجومه‌نی شاره‌وانی و به‌ڕێوه‌به‌ری ناحیه‌ی زنانه‌ش كاری گوڵاڵه‌ گه‌رمیانیان به‌كارێكی نیشتمانی و وه‌فاداری له‌قه‌لًَه‌مدا بۆ خه‌ڵكی ناوچه‌كه‌و هیوایان خواست كه‌ له‌و سنووره‌ زیاتر خزمه‌تی خه‌ڵكی ئه‌نفالكراوان بكرێت.

PUKmedia فوئاد عوسمان

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket