سه‌رۆكی وڵاتێكی زلهێز له‌سه‌ر منداڵه‌كه‌ كورده‌كه‌ هاته‌ ده‌نگ

هه‌وڵی چاره‌سه‌ری كێشه‌ی كۆچبه‌ران بدرێت

دوای خنكانی دوو منداڵێكی كورد به‌ناوی ئایلان  له‌گه‌ڵ براكه‌ی له‌ ئاوه‌كانی ناوچه‌ی دوورمی توركیا ، بڵاوبوونه‌وه‌ی و جیهانی هه‌ژاند و ده‌یڤید كامیرۆن سه‌رۆكی به‌ریتانیا وه‌ك یه‌كه‌م كه‌سایه‌تی  هاته‌ ده‌نگ و بڕیاریدا كه‌ هه‌وڵبدرێت به‌زووترین كات كار بۆ چاره‌سه‌ری كێشه‌ی كۆچبه‌ر وپه‌نابه‌رانی وڵاتی سوریا و وڵاتانی تر بكرێت . 

ئاژانسه‌كانی هه‌واڵ له‌به‌ریتانیا بڵاویانكردوه‌ته‌وه‌: ده‌یڤید كامیران بۆ ئه‌و مه‌به‌سته‌ داوایه‌كی ئاڕاسته‌ی یه‌كێتی ئه‌وروپا كردوه‌، كه‌تیایدا كۆتایهێنانی قه‌یرانی كۆچبه‌ران و په‌نابه‌رانی وڵاتی سوریا و وڵاتانی تری ناوچه‌كه‌ چاره‌سه‌ربكرێن  و ژیانی خه‌ڵكی باشتربكرێت . 

ئه‌وه‌ش باسكراوه‌: كاریگه‌ری بڵاوبوونه‌وه‌ی وێنه‌ی منداڵه‌كه‌ كاریگه‌ری زۆر خه‌مناكی له‌سه‌ر ده‌یڤید كامیرۆنی سه‌رۆكی به‌ریتانیا هه‌بووه‌و هه‌رئه‌وه‌ش وایكردوه‌ خۆی به‌راسته‌وخۆی په‌یوه‌ندی به‌لایه‌نه‌ به‌رپرسه‌كان به‌تایبه‌ت یه‌كێتی ئه‌وروپا بكات تاكو ئه‌و كێشانه‌ كۆتاییان پێبێت و هه‌موو لایه‌ك هه‌وڵی چاره‌سه‌ری یه‌كجاره‌كی بۆ بده‌ن . 

به‌پێی زانیاریه‌كان سه‌رله‌به‌یانی ئه‌مڕۆ ژماره‌یه‌كی زۆر له‌رۆژنامه‌ به‌ناوبانگه‌كانی به‌ریتانیا و ئه‌مریكاو ئه‌ڵمانیا وێنه‌ی منداڵه‌ كورده‌ خنكاوه‌كه‌ی ناوچه‌ی دوورمی توركیایان له‌به‌رگی  رۆژنامه‌و گۆڤاره‌كانیاندا بڵاوكردوه‌ته‌وه‌. 

چه‌ند چالاكوانێكی به‌ناوبانگی به‌ریتانیا كه‌ سه‌ردانی ناوچه‌كانی سوریا و عیراقیكردبوو ، له‌كه‌ناڵ 9ی ئه‌و وڵاته‌ ، باسیان له‌كاره‌ساتی گه‌وره‌تركردوه‌و پێیانوایه‌ به‌ سه‌دان ژن و منداڵ له‌ رێگه‌ی گه‌یشتن به‌ وڵاتانی ئه‌وروپا ژیانیان له‌مه‌ترسیدایه‌و ئه‌وه‌ یه‌كه‌م دیارده‌ی له‌و شێوه‌یه‌ نیه‌ كه‌ منداڵان گیان له‌ده‌ستبده‌ن . 

ئه‌وه‌ش باسكراوه‌: بۆیه‌ ده‌بێت ئه‌وه‌ بكرێته‌ سیمبوڵێك بۆ ئه‌وه‌ی ته‌واوی وڵاتانی جیهان به‌هانای كۆچبه‌رانه‌وه‌ بچن و له‌م دۆخه‌دا هاوكاریان بكه‌ن. 

ئه‌و چالاكوانانه‌ هه‌موو ئه‌و نه‌هامه‌تیانه‌یان بۆ شه‌ڕی داعش و خراپ مامه‌ڵه‌كردنی ئیداری و مرۆیی ئه‌و وڵاتانه‌ گه‌ڕاندوه‌ته‌وه‌ كه‌ زۆرترین ژماره‌ی  هاووڵاتی به‌جێهێشتوون . 

PUKmedia  و ، سامان