كۆسرەت رەسول عەلی لە تەندروستی ئەبو رەنای پرسییەوە

سەردانی ئەبو رەنای كرد

ئێوارەی ئەمڕۆ 31-8-2015 كۆسرەت رەسول عەلی جێگری یەكەمی سكرتێری گشتی یەكێتیی نیشتمانیی كوردستان لە شاری هەولێر سەردانی "ئەبو رەنا" ئەندامی پێشووی مەكتەبی سیاسی حزبی شیوعی و بریكاری پێشووی وەزیری دەرەوەی عیراق و كەسایەتی دیار و سیاسی عیراقی كردو لەباری تەندروستی پرسی و هیوای زوو چاكبوونەوەی بۆ خواست.

لەمیانی سەردانەكەیدا جێگری یەكەمی سكرتێری گشتی وێڕای پرسینی هەواڵی تەندروستی ناوبراو باسی لە رۆڵ و كەسایەتی ئەبو رەنا لە گۆڕەپانی سیاسی عیراق كردو هیواشی خواست هەرچیی زووە چاكبێتەوەو بە تەندروستییەكی باشەوە دەربكەوێتەوە و لای خۆشیانەوە خانەوادەی ئەبو رەنا سوپاسی ئەم سەردانەی كۆسرەت رەسول عەلی-یان كرد.

PUKmedia