riklam

ئازاد هه‌ورامی

ی.ن.ک‌‌ 03:17 PM - 2015-08-31
ئازاد هه‌ورامی

ئازاد هه‌ورامی

كراسێك له‌ یادو یادگاری شه‌هیدی سه‌ركرده‌ ئازاد هه‌ورامی بۆ ئه‌مڕۆی كوردستان دادڕین.


یادی شه‌هیده‌ سه‌ركرده‌كان هه‌میشه‌ بۆنه‌یه‌ بۆ به‌رزڕاگرتنی ناویان، له‌وه‌ش گرنگتر بۆ به‌رزڕاگرتنی ناوه‌ڕۆكی خه‌بات و تێكۆشانیان. شه‌هیده‌ سه‌ركرده‌كانی یه‌كێتی وان كه‌ شه‌هید ئازاد هه‌ورامیش لیستی سه‌روه‌ری شه‌هیدانی سه‌ركرده‌ی رازاندۆته‌وه‌.


«ئازاد «ناوه‌ بۆ ئازادی نیشتمان، ناونیشانه‌ بۆ یه‌ك كوردستان، بۆ یه‌ك هه‌رێمی كوردستان له‌ هه‌ورامانه‌وه‌ تا بادینان.


ئازاد شه‌هیدی كه‌ركوكی قودسه‌ و له‌ بادینان بنه‌وبارگه‌ی شه‌هاده‌تی داناوه‌. به‌ بنه‌چه‌ نه‌جیبزاده‌ی سانه‌كانی هه‌ورامانه‌ و له‌ شۆڕشی نوێدا «پێشمه‌رگه‌ی گه‌ل» ه‌، هی هه‌موو گه‌لی كوردستان. كوڕی باشووره‌ و كوڕی رۆژهه‌ڵاتیشه‌، بۆ به‌ره‌نگاری ته‌عریبـی كه‌ركوك ژیا و بۆ كوردستانی سه‌رتاسه‌ر  شه‌هید بوو. په‌یكه‌رێك بوو له‌وره‌ و وزه‌ و له‌ جوانی و مۆراڵی شۆڕشگێری وگیانی هه‌ڤاڵێتی.  


 لاپه‌ڕه‌یه‌ك له‌ ده‌فته‌ری شانازی ئازاد هه‌ورامی بۆ ئه‌مڕۆی كوردایه‌تی پێشكه‌وتنخوار بخوێنینه‌وه‌ كه‌ كوردستانیی بین و به‌ كوردستانی بژین و بۆ كوردستانیش له‌ سه‌نگه‌ره‌كانی دژی داعش و سه‌نگه‌ره‌كانی پاراستنی دیموكراسی و ئازادیدا به‌ پێوه‌ بوه‌ستین.


له‌ ده‌فته‌ری سه‌ربه‌رزی مه‌زاری ئه‌م شه‌هیده‌ نه‌مره‌دا وته‌ی مامی هه‌موو تێكۆشه‌ران نووسراوه‌ته‌وه‌ « له‌كه‌ركوك شوێنی ئازاد هه‌ورامی به‌ چۆڵی ده‌بینم» شوێنێك قه‌د پڕ ناكرێته‌وه‌، به‌ڵام شوێنكه‌وتووه‌كانی ئه‌م ئازاده‌، ئه‌م رێبواری ئازادییه‌ له‌سه‌ریانه‌ سه‌نگه‌ره‌كه‌ی چۆڵ نه‌كه‌ن و خه‌باته‌كه‌ی ئه‌و، خه‌باتی هه‌موو شه‌هیده‌ سه‌ركرده‌كان و هه‌موو پێشمه‌رگه‌ شه‌هیده‌كان و  هه‌موو تێكۆشه‌رانی زیندووش تا سه‌ر ببه‌ن و لێی دانه‌شكێنن و لێی پاشگه‌ز نه‌بنه‌وه‌. «پێشمه‌رگه‌ی گه‌ل» بن بۆ یه‌ك (یه‌كێتی) بۆ یه‌ك (نیشتمان) كه‌ (كوردستان)ه‌.

ئەمانەش ببینە

زۆرترین خوێنراو

هەواڵەکان دەنێرین بۆ مۆبایلەکانتان

ئەپڵیکەیشنی

app دابەزێنە

Play store app store app
The News In Your Pocket