ئه‌مڕۆ كۆبوونه‌وه‌یه‌كی جیاواز ئه‌نجامده‌درێت

كۆبوونه‌وه‌ی ئه‌مڕۆ جیاوازه‌

ئه‌ندامێكی وه‌فدی یه‌كێتی له‌ كۆبوونه‌وه‌ی پێنج لایه‌نه‌كه‌ رایده‌گه‌یه‌نێت، ئه‌مڕۆ 30-8-2015 جارێكی دیكه‌ پێنج لایه‌نه‌كه‌ كۆده‌بنه‌وه‌.

 سه‌عدی ئه‌حمه‌د پیره‌ ئه‌ندامی وه‌فدی یه‌كێتی له‌ كۆبوونه‌وه‌ی پێنج لایه‌نه‌كه‌ پێشتر تایبه‌ت به‌ PUKmedia ی راگه‌یاندبوو: بڕیاره‌ ئه‌مڕۆ سه‌عات 11ی سه‌رله‌به‌یانی، له‌ هۆڵی سه‌عد عه‌بدوڵڵا له‌ هه‌ولێر جارێكی دیكه‌ پێنج لایه‌نه‌كه‌ له‌باره‌ی پرسی سه‌رۆكی هه‌رێم كۆببنه‌وه‌.

 وتیشی: كۆبوونه‌وه‌ی ئه‌مڕۆ جیاوازه‌ له‌ كۆبوونه‌وه‌كانی دیكه‌ و پێده‌چێت لیژنه‌یه‌كی یاساییش به‌شداربن.

راشیگه‌یاند: پێده‌چێت ئه‌و لیژنه‌ یاساییه‌ی كه‌سبه‌ینێ به‌شداری كۆبوونه‌وه‌كه‌ ده‌كه‌ن لیژنه‌ی یاسایی په‌رله‌مان بێت، یاخود له‌ ده‌ره‌وه‌ی په‌رله‌مان لیژنه‌یه‌كی یاسایی بێت و له‌ رووی یاساییه‌وه‌ گفتوگۆ له‌باره‌ی ئه‌و پرسه‌وه‌ بكات.


PUKmedia دیار ستار