روونكردنه‌وه‌یه‌ك له‌ نوێنه‌ری حكومه‌تی هه‌رێمی كوردستان له‌ ئێران

هه‌واڵێكی هه‌ڵبه‌ستراو به‌درۆ ده‌خاته‌وه‌

ماڵپه‌ری هه‌واڵگری ژێده‌ری سێبه‌ری ده‌زگا گومان لێكراوه‌كان بۆ زڕاندنی ناو و ناوباوبانگی تێكۆشه‌رانی یه‌كێتیی نیشتمانیی كوردستان، جارێكی تر درۆیه‌كی شاخداری بڵاوكرده‌وه‌ كه‌ نوێنه‌ری حكومه‌تی هه‌رێمی كوردستان به‌شداری ئاهه‌نگێكی ژن گواستنه‌وه‌ی كوڕی سه‌رۆكی هۆزی (هـه‌ركی) له‌ ئێران كردووه‌ و بڕی (100,000 $) سه‌د هه‌زار دۆلاری وه‌كو دیاری پێشكه‌ش كردبێت كه‌ پێویست ناكات بڵێم دووره‌ له‌ راستی، به‌ڵام ئه‌گه‌ر كرابێت ده‌بێت به‌ نوێنه‌رایه‌تی حكومه‌ت ئه‌م كاره‌ كرابێت و له‌ گیـرفانی به‌نده‌ نه‌دراوه‌، به‌ڵام هه‌مان ده‌نگوباس له‌ (لڤین پرێس) بڵاوكراوه‌ته‌وه‌ كه‌ كه‌مێك ویژدانی تێدا هاتووه‌ و ده‌ڵێت نازانرێت نوێنه‌ری حكومه‌تی هه‌رێم یان نوێنه‌ری حكومه‌تی هه‌رێمه‌ له‌ تاران.

هه‌ر چه‌نده‌ رۆژانه‌ پارته‌كان كاری زۆر به‌ناوی حكومه‌تی هه‌رێم ئه‌نجام ده‌ده‌ن و حكومه‌ته‌ به‌سته‌ زمانه‌كه‌ ئاگای لێ نییه‌.

ده‌كرێت ژێده‌ر لێكۆڵینه‌وه‌ بكات بزانێت هه‌ركیه‌كان وه‌كو بنه‌ماڵه‌ و په‌یوه‌ندی له‌گه‌ڵ چ لایه‌نێكن له‌ كاتێكدا پێشمه‌رگه‌ له‌ به‌ره‌كانی شه‌ڕ دژبه‌ داعش مووچه‌یان نه‌بێت و ئه‌و خیانه‌ته‌ بكرێت به‌ناوی حكومه‌ت ئه‌م جۆره‌ دیاریه‌ كه‌ هه‌ندێك ده‌ڵێن (300,000 $) سێ سه‌د هه‌زار دۆلار و كاكی ژێده‌ر ده‌ڵێت (100,000 $) سه‌د هه‌زار دۆلاره‌.

ریسـوابـن ئه‌وانه‌ی درۆ و ده‌له‌سه‌ هه‌ڵده‌به‌ستن و یــاری به‌ قـووتـی جـه‌ماوه‌ر و پـاره‌ی نـــه‌وت ده‌كه‌ن.

   نــازم عــومــه‌ر
 نوێنه‌ری حكومه‌تی هه‌رێمی كوردستان له‌ ئێران

PUKmedia