كاتی راگه‌یاندنی ئه‌نجامی تاقیكردنه‌وه‌كانی خولی دووه‌م ئاشكرا ده‌كرێت

تاقیكردنه‌وه‌ گشتییه‌كانی 9 ی بنه‌ڕه‌تی و 12 ی ئاماده‌یی

به‌ڕێوه‌به‌رایه‌تی په‌روه‌رده‌ی سلێمانی ئاشكرایده‌كات هه‌فته‌ی داهاتوو ئه‌نجامی خولی دووه‌می تاقیكردنه‌وه‌ نیشتمانییه‌كان راده‌گه‌یه‌نرێت.

مامۆستا كه‌مال نوری به‌ڕێوه‌به‌ری په‌روه‌رده‌ی سلێمانی ئه‌مڕۆ 28-8-2015، به‌ PUKmedia ی راگه‌یاند: له‌ هه‌فته‌ی داهاتووه‌وه‌ ئه‌نجامی خولی دووه‌می تاقیكردنه‌وه‌ نیشتمانییه‌كانی 9 ی بنه‌ڕه‌تی و 12 ی ئاماده‌یی راده‌گه‌یه‌نرێت، چونكه‌ ئێستا پشكنینی نمره‌كان به‌ ئامێره‌ و وه‌كو جاران نییه‌ كه‌ مامۆستاكان دابنیشن پشكنین بۆ نمره‌و ده‌فته‌ره‌كان بكه‌ن بۆیه‌ ره‌نگه‌ زووتر ئه‌نجامه‌كان ته‌واو بكرێت.

PUKmedia زانیار مه‌جید