هاوپه‌یمانان 21 هێرشی نوێیان بۆسه‌ر داعش راگه‌یاند

زه‌بری كوشنده‌له‌ داعش وه‌شێنراوه‌

هاوپه‌یمانان 21 هێرشی ئاسمانی نوێیان بۆسه‌ر تیرۆرستانی داعش له‌ عیراق راگه‌یاند.

له‌ به‌یاننامه‌یه‌كدا هێزه‌كانی هاوپه‌یمانی نێوده‌وڵه‌تی دژی داعش به‌سه‌رۆكایه‌تی ئه‌مریكا رایانگه‌یاند: له‌ماوه‌ی 24 سه‌عاتی رابردوودا فڕۆكه‌ جه‌نگییه‌كانی هاوپه‌یمانان 21 هێرشی ئاسمانییان بۆسه‌ر مۆڵگه‌و باره‌گاكانی رێكخراوی تیرۆرستی داعش له‌ عیراق ئه‌نجامداوه‌، زۆربه‌ی هێرشه‌كانیش له‌ناوچه‌كانی باشوری كه‌ركوك و بێجی و فه‌لوجه‌و موسڵ و رومادی و شه‌نگال ئه‌نجامدراون .

هه‌رله‌و به‌یاننامه‌یه‌دا ئاماژه‌یه‌وه‌دراوه‌، له‌و هێرشانه‌دا به‌ده‌یان تیرۆرستی داعش كوژراون و زیانێكی زۆر به‌و تیرۆرستانه‌ گه‌یه‌نراوه‌.

PUKmediaرۆیته‌رز