هاوسەرۆكی هەدەپە بۆ ئەردۆگان: لەهەڵبژاردنی داهاتودا چاوەڕوانی شكستێكی گەورەتر بكە

یوكسەكداغ: لەهەڵبژاردنی داهاتوودا بەرەو كۆشكی سپی ئەنكەرە دەڕۆین

هاوسەرۆكی هەدەپە رایدەگەیەنێت لەهەڵبژاردنە پێشوەختەكەی توركیادا وەڵامێكی بەهێزیان بۆ پارتەكەی ئەردۆگان دەبێت و دەچنە كۆشكی سپی توركیا لەئەنكەرە.

فیگەن یوكسەكداغ هاوسەرۆكی پارتی دیموكراتی گەلان (هەدەپە) رایگەیاند: هەدەپە ئامادەی هەڵبژاردنی پێشوەختە كە بڕیارە 1ی تشرینی دووەمی ئەمساڵ ئەنجامبدرێت و بەسێ وەزیر بەشداری لەو حكومەتە كاتیە دەكەین كە پێكدەهێنرێت، ئەوەش سەرەتای قۆناغێكی نوێ دەبێت. 

وتیشی: ئامانجمان لەبەشداریكردن لەحكومەتی كاتی بەسێ وەزیر بۆ دابینكردنی ئاسایش و ئاشتی و دادپەروەری پرۆسەی هەڵبژاردنە، بەتایبەت لەم بارودۆخەی ئێستاداو دەمانەوێت دادپەروەی بۆ سەرجەم گەلی توركیا بەدیبهێنین.

یوكسەكداغ ئاماژەی بەوەشداوە كە هەدەپە گۆڕەپانەكە بۆ ئەكەپە چۆڵناكات و دەیەوێت لەگۆڕەپانی سیاسی توركیادا ئامادەیی هەبێت و بەپێی قورسایی خۆی رۆڵی هەبێت، ئەمەش وەڵامێكە بۆ ئەوانەی دەیانەوێت هەدەپە پەراوێز بخەن، راشیگەیاند: لەهەڵبژاردنی داهاتوودا بەرەو كۆشكی سپی ئەنكەرە دەڕۆین، كە كۆشكەكەی ئەردۆگانە، وەڵامێكی بەهێزو چاوەڕوان نەكراویشمان دەبێت و دەستكەوتی گەورە بەدەستدەهێنین. 

لەبارەی پێشبینیەكانیان بۆ هەڵبژاردنە پێشوەختەكەی سەرەتایی تشرینی دووەم وتی: لەم هەڵبژاردنەشدا ئەردۆگان روبەڕووی شكستێكی گەورەتر دەكەوە وەك چۆن لەهەڵبژاردنە پەرلەمانییەكەی 7ی حوزەیراندا توشی شكست هات و هەدەپە سەركەوتنی تۆماركرد.

اوسەرۆكی هەدەپە دەڵێت: ئەردۆگان هەمیشە ئەوەی لەسەر زارە كە مرۆڤ نابێت بەستەم پیرۆزبایی لێبكرێت، لەبەرئەوەی سزاكەی سەختە، بەڵێ سەرئەنجامی ئەوان خراپ دەبێت.

PUKmedia ئاژانسەكان