دەیان كۆچبەر لەناو بارهەڵگرێكدا گیانیانلەدەستدا

ناسنامەی كۆچبەرەكان ئاشكرا نەبووە

دەسەڵاتدارانی نەمسا رایانگەیاند تەرمی دەیان كۆچبەریان لەناو ئۆتۆمبێلێكی بارهەڵگردا دۆزیوەتەوە.

ئەمڕۆ 2015/8/27 بەرپرسانی وڵاتی نەمسا رایانگەیاند كە لەلایەن هێزەكانی پۆلیسی وڵاتەكەیانەوە لەویلایەتی بۆرگنلاندی رۆژهەڵاتی نزیك سنوری مەجەر تەرمی دەیان كۆچبەریان دۆزیوەتەوەو ژمارەشیان لەنێوان 20 بۆ 50 كۆچبەردان و لەڕێی بارهەڵگرێكەوە لەهەنگاریاوە بەرەو نەمسا بەڕێكەوتون، بەڵام تائێستا ناسنامەی تەواوی ئەو كۆچبەرانە ئاشكرا نەبووە كە خەڵكی چ وڵاتێكن.

لەبارەی روداوەكەوە وەزیری ناوخۆی نەمسا باسی لەوەكردوە كە ئەو روداوە زۆر تراژیدیایەو پێویستە وڵاتانی یەكێتی ئەوروپا لەبارەی كۆچبەرەان و پاراستنیانەوە سياسەتێكی هاوبەش پەیڕەو بكەن.  

هەزاران هاووڵاتی وڵاتانی رۆژهەڵاتی ناوەڕاست بەهۆی خراپی بارودۆخی ئەمنی وڵاتەكانیانەوە بەڕێگەی نایاسایی بەرەو وڵاتانی ئەوروپا كۆچ دەكەن.

PUKmedia ئاژانسەكان