ته‌كنه‌لۆجیا.. LG تابلێتی G Pad II 10.1 ی راگه‌یاند

قه‌باره‌ی 1.10 ئینجه‌

كۆمپانیای LG كۆری تابلێتی نوێی G Pad II 10.1  ی راگه‌یاند، هه‌روه‌ها ئاماژه‌ بۆ ئه‌وه‌شكراوه‌ كه‌وا دوای چه‌ند رۆژێكی دیكه‌ بۆ یه‌كه‌مینجار له‌میانه‌ی كۆنگره‌ی IFA 2015 نمایشده‌كرێت.

تابلێتی G Pad II 10.1 خاوه‌نی روونمایه‌كه‌ به‌قه‌باره‌ی 1.10 ئینج و به‌ڕوونی 1920*1200 پێكسڵ و به‌ پرۆسێسه‌رێكی سناپدراگن 800 چوار ناوكی و به‌خێرایی 26.2 گێگاهێرتز كارده‌كات و قه‌باره‌ی رامه‌كه‌ی 2 گێگابایته‌، بیرگه‌ی ناوه‌وه‌ی ئامێره‌كه‌ 16 گێگابایته‌ و توانایی زیادكردنی هه‌یه‌ له‌رێگه‌ی بیرگه‌ی ده‌ره‌كی له‌ جۆری microSD.

كامێرای دواوه‌ی تابلێته‌كه‌ 5 مێگاپێكسڵه‌ و كامێرای پێشه‌وه‌یشی 2 مێگاپێكسڵه‌، هێزی پاتریه‌كه‌ی 7400 میلی ئه‌مپێره‌ له‌سه‌عاتێكدا، هاوكات به‌ سیسته‌می ئه‌ندرۆید 5،1،1 لۆلیپۆپ كارده‌كات.

جێگه‌ی باسه‌، تابلێته‌كه‌ به‌ هه‌ر یه‌كه‌ له‌ وه‌شانه‌كانی Wi-Fi و LTE له‌ كۆگاكان به‌رده‌ست ده‌بێت و ته‌نها یه‌ك جۆر ره‌نگی هه‌یه‌ ئه‌ویش ڕه‌نگی بڕۆنزییه‌، به‌ڵام تاوه‌كو ئێستا هیچ زانیارییه‌ك نییه‌ ده‌رباره‌ی نرخ و كاتی خستنه‌بازاڕی تا ئه‌وكاته‌ی كه‌ ئێڵ جی له‌ میانه‌ی كۆنگره‌ی IFA 2015  نمایشی ده‌كات.

PUKmedia تۆڕی ته‌كنه‌لۆجیای زانیاری كوردی