یه‌كێك له‌ برینداره‌كانی مه‌خمور شه‌هیدده‌بێت

.

كه‌مێك پێش ئێستا یه‌كێك له‌ برینداره‌كانی مه‌خمور به‌هۆی سه‌ختی برینه‌كه‌یه‌وه‌ شه‌هیدبوو.

پێش نیوه‌ڕۆی ئه‌مڕۆ 5-8-2015 تیرۆرستانی داعش دوو كاتیۆشایان ئاڕاسته‌ی قه‌زای مه‌خمور كرد به‌و هۆیه‌وه‌ سێ كه‌س برینداربوون.

ره‌شاد گه‌ڵاڵی لێپرسراوی كۆمیته‌ی مه‌خموری یه‌كێتیی نیشتمانیی كوردستان به‌ PUKmediaی راگه‌یاند: یه‌كێك له‌و كاتیۆشیایانه‌ی كه‌ له‌لایه‌ن تیرۆرستانی داعشه‌وه‌ ئاڕسته‌ی قه‌زای مه‌خمور كرا به‌ر ماڵی هاووڵاتیه‌ك كه‌وت له‌ ئه‌نجامدا دوو كه‌سی ماڵه‌كه‌و منداڵێكی دراوسێیان برینداربوون.

وتیشی: به‌داخه‌وه‌ به‌هۆی سه‌ختی برینه‌كه‌یه‌وه‌ یه‌كێك له‌ برینداره‌كان به‌ناوی (هه‌تاو ئیبراهیم) كه‌ ته‌مه‌نی له‌ نێوان 17 بۆ 18 ساڵانیدایه‌ شه‌هیدبوو.

داعش به‌ كاتیۆشا هێرشده‌كاته‌وه‌ سه‌ر مه‌خمور

PUKmedia هۆزان فاتیح