مانگی ئاب و چارهنووسی كچهكانمان
بیروڕا 02:27 PM - 2015-08-04ئهمهل جهلال
مانگی ئاب مانگێكی شومه بۆ گهلی كورد، مانگێكه پڕه لهداگیركاری و سهوداسهری و بهتاڵانبردن و كڕین و فرۆشتنی پیرۆزییهكانی نیشتیمان. مانگێكه شوناس و ناسنامهی جیاجیای لهخۆگرتووهو لێوانلێوه لهشهرمهزاری، سهیریش لهوهدایه گهلێكین مێژوومان شاهیدی ئهوهمان بۆ دهدات كه گهلێكین بههرهی بیرچوونهوهمان ههیهو ههرزوو كارهساتهكان و تاوانهكان و خیانهتهكانمان لهبیردهچێتهوه بهپێچهوانهی گهلانی دونیا كه لهههر رووداوێك وانهیهكی لێوه فێردهبن و كردوویانهته خاڵی بههێز بۆ بهرهنگاربوونهوهو بهدیهێنانی ئهوهی كه لهقۆناغێكی ژیانی سیاسیاندا لهدهستیانچووهو زیانیان بهگهل و نیشتمانهكهیان گهیاندووه.
ئیدی ههر بهتهنیا ئهوهش نییه، بهڵكو پرسیاری ئهوهش ههیه بۆچی بهدرێژایی مێژوو نهمانبینی كهسێك سزابدرێت یان لێپێچینهوهی لهگهڵ بكرێت، ههروهك بهپێچهوانهشهوه زۆرجار تۆمهتباران پاداشت كراون. ئهمه چ قهدهرێكه ئێمهی تێداین؟
دوایین تاوان كه بهداخهوه لهمێژووی ئێستاماندا روویدا كهوتنی بهشێكی گرنگی كوردستان بوو كه هێشتا بهناوچه دابڕێنراوكان ئهژماردهكرێت، كهوتنی ئهم شاره ئهنفالهكانمان بیردهخاتهوه كه ئهوكاتیش جاشه كوردهكان پێشڕهویی هێزه تۆقێنهرهكانی بهعسی فاشیان دهكرد بۆ بهتاڵانبردنی خاك و هاونیشتمانییهكانیان.
3ی ئاب جارێكیتر جهستهی نیشتمان برینداركرایهوه، لێكهوتهكانی ئهم كارهساته هاوشێوهی تاوانهكانی پێشوو زۆر خاڵی لێكچوو و هاوبهشیان ههیه، بهڵام خاڵی جیاوازیشی زۆره كه جیایدهكاتهوه لهتاوانهكانی سهردهمی بهعسی فاشی.
یهكێك لهو جیاوازییانه ئهوهیه كه لهسهردهمی حوكمی خۆماڵی خۆماندا كارهساتهكه روویداو پهنجهی تۆمهت بۆ كاربهدهستانی خۆشمان درێژدهكرێت كه بهههر هۆیهك بێت بهرپرسیارێتی مێژووییان دهكهوێته ئهستۆ. بهوهۆیهوه سهدان لهكچهكانمان كهوتنهژێر دهستی خهلافهته رهشهكهی ئهبوبهكر بهغدادی كه لهخهلافهتهكانی پێشووهوه بۆیان ماوهتهوه كچان وهك سهبایا لهبازاڕی كۆیلهكاندا سهوداسهری پێوهبكرێت و وهك تهكتیكی شهڕ بۆ تۆقاندنی هاووڵاتیان بهكارییان بهێنن.
له 3ی ئابدا بهرپرسیارییهتییهكان زۆرو ههمهچهشنن، دهبێت كهی و كی وهڵامی ئهم پرسیارانه بداتهوهو لهڕووی كردارییهوهو دوور لهدروشم و ئیدانهو ناڕهزایهتی بهكردار تۆڵهی كچهكانمان و منداڵه بێ دایك و باوكهكان بكاتهوه.
چارهنووسی كچ و ژنه رفێنراوهكانمان بهكوێ دهگات؟ كۆمهڵگهی نێودهوڵهتی جگه لهنووسراو چ كاردانهوهیهكی كرداری دهبێت بۆ رزگاركردنیان؟ ئهی ئهوانهی رزگاریان بوو تاكهی لهچاوهڕوانی چارهسهریدا بن؟ كی بهرپرسیاره لهكهوتنی شهنگال و فرۆشتن و بهكاڵاكردنی كچهكانمان؟ كچان و ژنانی كورد داوای دادگایی تۆمهتباران دهكهن تاكهی لهتارماییدا بمێننهوه؟
ئیدی وهكو ههمیشه پرسیارهكان زۆرن و ههمیشه بێ وهڵام دهمێننهوه، بهڵام حهقه ئهمجارهیان جیاوازبین و نهترسین لهدهستنیشیانكردنی تاوانباران و سزادانیان بۆئهوهی رێگه لهدووبارهبوونهوهی ئهو ئهزموونه تاڵانه بگرین و كوردستان بهسهربهرزی بمێنێتهوه.
ئهمهل جهلال
هەواڵی زیاتر
-
وەفدێکی نەتەوەیەکگرتووەکان سەردانی نوسینگەی سلێمانی جێگری سەرۆک وەزیرانی کرد
05:41 PM - 2024-03-28 -
وادەی پێشکەشکردنی ناوی کاندیدان بۆ پەرلەمانی کوردستان درێژکرایەوە
11:57 AM - 2024-03-28 -
خاتوو شاناز بۆ خانمانی راگەیاندنکار: جیاوازیتان ناکەم و سەرکەوتنی هەمووتانم دەوێت
11:58 PM - 2024-03-27 -
مهڵبهندی دیراساتی یهكێتی تواناسازی حزبی بۆ خوێندنی باڵا دهستپێكرد
05:26 PM - 2024-03-27
ئەمانەش ببینە
سەرۆک بافڵ بۆ نوێنەری سەرۆکی روسیا: چارەسەری ئاشتیانە پەیڕەو دەکەین
10:31 PM - 2024-03-28
سەرۆک بافڵ و سێرگی لاڤرۆڤ: پەیوەندییەکان پەرەیان پێبدرێت
08:34 PM - 2024-03-28
سەرۆککۆمار بۆ وەزیری دارایی: پەلەبکرێت لەخەرجکردنی مووچەی هەرێم
03:46 PM - 2024-03-28
وتهبێژی یهكێتی: خۆمان و لیست و ناوی كاندیدمان بۆ ههڵبژاردن ئامادهكردوه
12:56 PM - 2024-03-28
زۆرترین خوێنراو
-
سەرۆک بافڵ بۆ نوێنەری سەرۆکی روسیا: چارەسەری ئاشتیانە پەیڕەو دەکەین
جیهان 10:31 PM - 2024-03-28 -
سەرۆک بافڵ و سێرگی لاڤرۆڤ: پەیوەندییەکان پەرەیان پێبدرێت
کوردستان 08:34 PM - 2024-03-28 -
وەفدێکی نەتەوەیەکگرتووەکان سەردانی نوسینگەی سلێمانی جێگری سەرۆک وەزیرانی کرد
کوردستان 05:41 PM - 2024-03-28 -
سێ (D) یەکەی مام
بیروڕا 04:57 PM - 2024-03-28 -
سەرۆککۆمار بۆ وەزیری دارایی: پەلەبکرێت لەخەرجکردنی مووچەی هەرێم
کوردستان 03:46 PM - 2024-03-28 -
پرسەنامەی قوباد تاڵەبانی بۆ خانەوادەی ئەحمەد خدر
پرسەنامە 03:03 PM - 2024-03-28 -
وتهبێژی یهكێتی: خۆمان و لیست و ناوی كاندیدمان بۆ ههڵبژاردن ئامادهكردوه
کوردستان 12:56 PM - 2024-03-28 -
وادەی پێشکەشکردنی ناوی کاندیدان بۆ پەرلەمانی کوردستان درێژکرایەوە
کوردستان 11:57 AM - 2024-03-28