په‌كه‌كه‌ به‌چه‌كی قورس هێرشده‌كاته‌ سه‌ر سوپای توركیا

.

هێزه‌كانی گه‌ریلای په‌كه‌كه‌ له‌ ناوچه‌ی ئیغدیری باكوری كوردستان به‌چه‌كی قورس هێرشیانكردوه‌ته‌ سه‌ر بازگه‌یه‌كی ناوچه‌كه‌ و زیانیان به‌هێزه‌كانی جاندرمه‌ی توركیا گه‌یاندوه‌. 

سه‌رچاوه‌یه‌كی تایبه‌ت له‌ هێزه‌كانی گه‌ریلا به‌ PUKmedia ی راگه‌یاند: هێرشه‌كه‌ نزیكه‌ی سه‌عات 10ی ئه‌مشه‌و بووه‌و به‌هاوه‌ن و دۆشكه‌ و بیكه‌یسی هێرشكراوه‌ته‌ سه‌ر بازگه‌یه‌كی لێپرسنه‌وه‌ی هێزه‌كانی جاندرمه‌ی توركیا له‌ ناوچه‌ی ئیغدیر. 

وتیشی: به‌پێی زانیاریه‌كانمان هێزه‌كانی جاندرمه‌ كوژراو برینداریان هه‌یه‌ و زیانی زۆریان پێگه‌یه‌نراوه‌، و دوای چالاكیه‌كه‌ هێزه‌كانی گه‌ریلا كشاونه‌ته‌وه‌ به‌ره‌و ناوچه‌ی ئارارات . 

هاوكات ژماره‌یه‌ك ده‌زگای راگه‌یاندنی توركیا، هه‌واڵه‌كه‌یان بڵاوكردوه‌ته‌وه‌و ئاماژه‌ به‌ زیانی هێزه‌كانی جاندرمه‌ ده‌كه‌ن .

PUKmedia سامان یاروه‌یس