فڕۆكه‌ جه‌نگییه‌كانی توركیا ئاسمانی هه‌رێم ده‌به‌زێننه‌وه‌

به‌هۆی به‌رده‌وامی بۆردومانه‌كه‌وه‌ تائێستا زه‌ره‌رو زیانه‌كانی بۆردومانه‌كه‌ نه‌زاندراوه‌

نیوه‌ڕۆی ئه‌مڕۆ 30-7-2015 جارێكی دیكه‌ فڕۆكه‌كانی توركیا ئاسمانی هه‌رێمی كوردستانیان به‌زاند.

په‌یامنێرمان پێی راگه‌یاندین، نیوه‌ڕۆی ئه‌مڕۆ بۆ جارێكی دیكه‌، فڕۆكه‌كانی توركیا ئاسمانی هه‌رێمی كوردستانیان به‌زاندو بۆردومانی چیای مه‌تینه‌یان له‌سنووری قه‌زای ئامێدی كرد.

 په‌پێی زانیارییه‌كانی په‌یامنێرمان له‌ئێستادا بۆردومانی فڕۆكه‌ جه‌نگییه‌كانی توركیا بۆ سه‌ر ئه‌شكه‌وتی ئه‌بابه‌كر له‌سنووری قه‌زای ئامێدی به‌رده‌وامه‌، به‌ڵام به‌هۆی به‌رده‌وامیی بۆردومانه‌كه‌وه‌ تائێستا زه‌ره‌رو زیانه‌كانی بۆردومانه‌كه‌ نه‌زاندراوه‌.

PUKmedia تایبه‌ت