فڕۆكه‌ جه‌نگییه‌كانی توركیا به‌ ئاسمانی كۆبانێ دا ده‌سوڕێنه‌وه‌

هۆكاری سوڕانه‌وه‌ی ئه‌و فڕۆكانه‌ نادیاره‌

ژماره‌یه‌ك فڕۆكه‌ جه‌نگی توركیا به‌ ئاسمانی  شاری كۆبانێ-ی رۆژئاوای كوردستاندا ده‌سوڕێنه‌وه‌و تائێستاش هۆكاری سوڕانه‌وه‌ی ئه‌و فڕۆكانه‌ نادیاره‌.

ماڵپه‌ڕی هاوار نیوز بڵاویكرده‌وه‌ كه‌ به‌یانی ئه‌مڕۆ 30-7-2015 ژماره‌یه‌ك فڕۆكه‌ی جه‌نگی به‌ئاسمانی شاری كۆبانێ دا سوڕاونه‌ته‌وه‌.

تائێستاش هۆكاری سوڕانه‌وه‌ی ئه‌و فڕۆكانه‌ له‌ ئاسمانی كۆبانێ نه‌زانراوه‌.

ماوه‌ی هه‌فته‌یه‌كه‌  توركیا هێرشی ئاسمانی بۆسه‌ر پێگه‌كانی پارتی كرێكارانی كوردستان (په‌كه‌كه‌) له‌ باكورو باشوری كوردستان ده‌ستپێكردوه‌، هاوكات به‌ تانك و چه‌كی قورس بۆردومانی پێگه‌كانی یه‌كینه‌كانی پاراستنی گه‌ل (یه‌په‌گه‌) و سوپای ئازاد له‌ ناوچه‌ی زور مخار له‌ سنوری باكورو رۆژئاوای كوردستان كرد.

    PUKmedia وه‌رگێڕان/ هۆزان فاتیح

سه‌رچاوه‌/  هاوار نیوز