هاوپه‌یمانان 32 هێرشی نوێیان بۆسه‌ر داعش راگه‌یاند

زه‌بری كوشنده‌ له‌ داعش وه‌شێنراوه‌

هێزه‌كانی هاوپه‌یمانان 32 هێرشی ئاسمانی نوێیان بۆسه‌ر مۆڵگه‌و باره‌گاكانی رێكخراوی تیرۆرستی داعش له‌ عیراق و سوریا راگه‌یاند.

له‌ به‌یاننامه‌یه‌كدا هێزه‌كانی هاوپه‌یمانی نێوده‌وڵه‌تی دژی داعش به‌سه‌رۆكایه‌تی ئه‌مریكا ئه‌مڕۆ 29-7-2015، رایانگه‌یاند: فڕۆكه‌ جه‌نگییه‌كانی هاوپه‌یمانان 23 هێرشی ئاسمانییان بۆ سه‌ر مۆڵگه‌و باره‌گاكانی رێكخراوی تیرۆرستی داعش له‌ عیراق ئه‌نجامداوه‌، زۆربه‌ی هێرشه‌كانیش له‌ناوچه‌كانی موسڵ و فه‌لوجه‌و ته‌لعفه‌رو شه‌نگال ئه‌نجامدراون، له‌و هێرشانه‌شدا چه‌ندین مۆڵگه‌و بنكه‌ی داعش كراونه‌ته‌ ئامانج و تێكشكێنراون و به‌ده‌یان تیرۆرست كوژراون.

ئه‌و سه‌رچاوه‌یه‌ ئاماژه‌ی به‌وه‌شداوه‌، فڕۆكه‌ جه‌نگییه‌كانی هاوپه‌یمانان 9 هێرشی ئاسمانیان بۆسه‌ر تیرۆرستانی داعش له‌ سوریا ئه‌نجامداوه‌، زۆربه‌ی هێرشه‌كانیش له‌ناوچه‌كانی حه‌سه‌كه‌و حه‌له‌ب ئه‌نجامدراون.

PUKmedia ئاژانسه‌كان