هه‌نارده‌كردنی گاز له‌ ئێرانه‌وه‌ بۆ توركیا راگیرا

هێشتا هۆكاری ته‌قینه‌وه‌یه‌كه‌ روون نییه‌

به‌هۆی ته‌قینه‌وه‌ی بۆری گاز له‌ناوچه‌ی ئاگری له‌ توركیا هه‌نارده‌كردنی گازی ئێران بۆ توركیا راگیرا.

تانه‌ر یه‌ڵدز وه‌زیری وزه‌ی توركیا رایگه‌یاند، له‌بۆری گواستنه‌وه‌ی گازی ئێران بۆ توركیا له‌ناوچه‌ی ئاگری له‌ توركیا ته‌قینه‌وه‌یه‌ك روویداوه‌ و له‌ ئێستادا گواستنه‌وه‌ی گاز راگیراوه‌.

وه‌زیری وزه‌ی توركیا ئاماژه‌ی به‌وه‌شداوه‌، كه‌ تا چاككردنه‌وه‌ی بۆرییه‌كان هه‌نارده‌كردنی گازی ئێران بۆ توركیا راده‌گیرێت.

جێی باسه‌، هێشتا هۆكاری ته‌قینه‌وه‌یه‌كه‌ روون نییه‌ و هیچ گروپ و لایه‌نێك به‌رپرسیارێتی ئه‌و ته‌قینه‌وه‌یه‌ی له‌ ئه‌ستۆ نه‌گرتووه‌.

سه‌رچاوه‌/ ئاژانسی میهر

PUKmedia وه‌رگێڕان/ جه‌واد حه‌یده‌ری