خوێندكارە سەركەوتوەكانی هەڵەبجە خەڵات دەكرێن
کوردستان 08:10 PM - 2015-07-27ئەمساڵ خوێندكارە هەڵەبجەییەكان لەناوەو دەرەوە پێشەنگ بوون
ئەمڕۆ 2015/7/27 لەبەرامبەر بەدەستهێنانی پلەی یەكەم لەسەر ئاستی هەرێمی كوردستان لە بەشی زانستی و پلەكانی چوارەم و شەشەم لەهەمان ئاست و بەش و هاوكات پلەی یەكەم لەسەر ئاستی هەرێم لەبەشی پیشەیداو یەكەم لەسەر ئاستی وڵاتی سوید لەلایەن ژمارەیەك خوێندكاری هەڵەبجەیەوە، لەمەراسمیكێدا بەئامادەبوونی ژمارەیەك لەبەرپرسانی حكومی و حزبی و بەڕێوەبەرایەتی پەروەردەی هەڵەبجە خەڵاتی بەخشیە یەكەمەكان وەك رێزگرتنێك لەئەرك و ماندوبوونیان .
سیما شاهۆ هەڵەبجەیی یەكەمی 12ی ئامادەیی وڵاتی سوید بە PUKmediaی راگەیاند: لەوڵاتی سوید توانیم پلەی یەكەم لەسەر ئاستی وڵاتەكەدا بەدەستبهێنم، چەندین دبلۆمم پێدراوە، لەوانە دبلۆمی پاشا بیتفیسكایە كە لە ساڵی 1664وە بە بەردەوامی دەدرێت، دواتر بانگهێشتی سیمیناری ئەو كەسانە كرام كە خەڵاتی نۆبڵ وەردەگرن و پێشموترا كە ببم بە مامۆستای پۆلی (10 و 11) وڵاتی سوید.
وتیشی:لەسەر نوسینی چیرۆكێك لەسەر زمناكۆ عەلی خەڵاتێكی تایبەتم پێبەخشراو بەشانازییەوە هەمیشە لەگەڵ ناوی هەڵەبجەوە دەژیم و شانازی پێوەدەكەم.
دونیا وەسفی یەكەمی بەشی زانستی هەرێمی كوردستانیش بە PUKmediaی راگەیاند: توانیم لەسەر ئاستی هەرێمی كوردستان پلەی یەكەم بەدەستبهێنم و سوپاسی هەموو ئەو كەسانە دەكەم ئەمڕۆ خەڵاتی رێزلێنانیان پێبەخشیم و هیوادارم بتوانم درێژە بەخوێندن بدەم.
هاوكات بەناز عومەر یەكەمی بەشی پیشەیی هەرێمی كوردستان بۆ PUKmedia وتی: توانیم پلەی یەكەم لەسەر ئامادەییەكان بەدەستبهێنم، سوپاسی هەموو لایەنەكان دەكەم كە ئەمڕۆ خەڵاتیان پێ بەخشیم.
لای خۆشیەوە سۆران عومەر بەڕێوەبەری پەروەردەی هەڵەبجە ئەوەی خستەڕوو كە ئەمساڵ بەڕێوەبەرایەتی پەروەردەی هەڵەبجە پێشەنگی نمرەكان بووە (یەكەم و چوارەم و شەشەمی زانستی) لەسەر ئاستی هەرێم لە هەڵەبجە بووە، یەكەم دووەم و سێیەمی پیشەیی لەهەرێم بوەو لەسەر ئاستی وڵاتی سوید كچە خوێندكارێكی هەڵەبجەیی پلەی یەكەمی بەدەستهێناوە.
وتیشی: كۆلیژی هاوبەشی نمونەیی لەسەر ئاستی جیهان لە ئولۆمپیاتی جیهان بۆ زمان و كلتور یەكەم و سێیەم لەسەر ئاستی جیهان هەڵەبجەیی بوون، لە ئۆڵۆمپیاتی عیراق لە بوارەكانی بیركاری، كۆمپیوتەر، زانست دووەم و سێیەم لەسنوری پەروەردەكەمان بووە، لەئۆڵۆمپاتی پارێزگاكان لەسەر ئاستی سلێمانی یەكەم و حەوتەم لەپارێزگای هەڵەبجە لەپەروەردەی هەڵەبجە بووە.
هەروەها مەلا یاسین خاوەنی كۆمپانیاكانی بەڕێز وێڕای پێدانی خەڵاتی تایبەتی و سپۆنسەریكردنی مەراسیمەكە بە PUKmediaی راگەیاند: دڵنیایی نامەیەكمان بۆ خوێندكارەكان خوێندوە كە تیایدا وەك كۆمپانیای بەڕێز بۆ زیاتر پێشكەوتنی ئەم وڵاتە بڕیارماندا ئەركی خوێندنی ئەو خوێندكارانە لەناوەوەو دەرەوەی هەرێم بگرینە ئەستۆو لەبری خانەوادەكانیان موچەیەكی مانگانەیان بۆ دابین بكەین.
پاریزگای هەڵەبجە لە مێژە لە ناو ركابەرە زانستیەكاندا ململانێ دەكات و ساڵانەش لەسەر ئاستی هەرێم چەندین نمرەی بەرزی تێدا بەدەستدەهێنرێت.
PUKmedia فەرحان حەمەخان – هەڵەبجە
هەواڵی زیاتر
-
هاوخەمییەکان بۆکۆچیدوای فەرماندەی دێرین حەسەن ئەحمەد
11:14 PM - 2024-04-19 -
دژەتیرۆر و ئاسایش لەسەر رووداوی تەقینەوەکەی سلێمانی رونکردنەوە دەدەن
02:02 PM - 2024-04-19 -
د. بڕیار رەشید: تەوتینی مووچە لەهەرێم بە ئاسانی دەکرێت
08:31 PM - 2024-04-18 -
كونسوڵی روسیا: یهكێتی هێزێكی كاریگهره
04:42 PM - 2024-04-18
ئەمانەش ببینە
پلهبهرزكردنهوهی مووچهخۆرانی ههرێم رهزامهندی بهغدای دهوێت
10:40 AM - 2024-04-20
قوباد تاڵەبانی: ئارامی سلێمانی هێڵی سوورە
08:59 PM - 2024-04-19
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
05:56 PM - 2024-04-19
پەرلەمانتارە غائیبەکان 160 ملیۆن دینار سزادران
10:43 AM - 2024-04-19
زۆرترین خوێنراو
-
دارایی عیراق سێ بانک بۆ دروستکردنی تەوتین دەستنیشان دەکات
کوردستان 04:35 PM - 2024-04-20 -
هاوخەمی سەرۆک بافڵ بۆ بنەماڵەی خاتوو رقیە
پرسەنامە 03:27 PM - 2024-04-20 -
پلهبهرزكردنهوهی مووچهخۆرانی ههرێم رهزامهندی بهغدای دهوێت
کوردستان 10:40 AM - 2024-04-20 -
هاوخەمییەکان بۆکۆچیدوای فەرماندەی دێرین حەسەن ئەحمەد
پرسەنامە 11:14 PM - 2024-04-19 -
قوباد تاڵەبانی: ئارامی سلێمانی هێڵی سوورە
کوردستان 08:59 PM - 2024-04-19 -
د. یوسف گۆران: هەڵبژاردن تاکە ڕێگەی دەرچونی هەرێمە لەقەیران
کوردستان 05:56 PM - 2024-04-19