له‌سه‌ر ئاڵۆزییه‌كانی گرێ سپی YPG روونكردنه‌وه‌ ده‌دات

شه‌ڕ رووینه‌داوه‌

دوای ئه‌وه‌ی ئه‌مـڕۆ روانگه‌ی سوری بۆ مافه‌كانی مرۆڤ هه‌واڵی روبه‌ڕووبونه‌وه‌ی نێوان شه‌ڕڤانان و سوپای توركیای له‌ سنوری گرێ سپی و توركیا بڵاوكرده‌وه‌، وته‌بێژی ره‌سمی یه‌په‌گه‌ ئه‌و هه‌واڵه‌ ره‌تده‌كاته‌وه‌. 

رێدوه‌ر خه‌لیل وته‌بێژی ره‌سمی یه‌په‌گه‌ له‌رۆژئاوا له‌راگه‌یه‌ندراوێكیدا ئاشكرایكردوه‌: به‌هیچ شێوه‌یه‌ك شه‌ڕ له‌نێوان سوپای توركیا و شه‌ڕڤانان رووینه‌داوه‌، به‌ڵكو ژماره‌یه‌ك چه‌كدار وییستویانه‌ سنوری توركیا ببه‌زێنن، ئه‌ویش له‌گوندی عه‌لوه‌ی رۆژهه‌ڵاتی گرێ سپی .

رونیشكردوه‌ته‌وه‌: هه‌ربۆیه‌ له‌لایه‌ن هێزه‌كانی سوپای توركیا ته‌قه‌یان لێكراوه‌و دواتر كۆتایی به‌و دۆخه‌ش هاتووه‌.

PUKmedia   سامان یاروه‌یس