ته‌قینه‌وه‌یه‌كی به‌هێز سنوری توركیا - سوریا ده‌هه‌ژێنێت

.

سه‌عات 10ی سه‌رله‌به‌یانی ئه‌مـڕۆ به‌هۆی ته‌قینه‌وه‌ی بۆمبێك له‌سنوری جه‌رابلوس له‌ خۆرئاوای كۆبانێ كه‌ سه‌ربه‌ پارێزگای حه‌له‌به‌، ئه‌میرێكی داعش و ژماره‌یه‌ك تیرۆرستی تر كوژراون. 

سه‌رچاوه‌یه‌ك له‌هێزه‌كانی یه‌په‌گه‌ له‌سنوری نێوان كۆبانێ - جه‌رابلوس به‌ PUKmedia ی راگه‌یاند: تیرۆرستانی داعش له‌ناوچه‌ سنوریه‌كانی توركیا - سوریا له‌ جه‌رابلوس زیاتر كردوه‌، هه‌ربۆیه‌ پێده‌چێت ته‌قینه‌وه‌كه‌ ئه‌و مین و بۆمبانه‌ بێت كه‌ خۆیان چاندویانه‌.

وتتیشی: سێ تیرۆرست وئه‌میرێكی ناوداری گروپه‌كه‌ به‌ناوی ( ئه‌بو عه‌بدلڕه‌حمان ) كوژراون و هه‌ر بۆ ئه‌و مه‌به‌سته‌ش سوپای توركیا له‌و سنوره‌ خراوه‌ته‌ دۆخی ئاماده‌ باشیه‌وه‌ .

PUKmedia   سامان یاروه‌یس