شه‌ڕ له‌نێوان شه‌ڕڤانان و سوپای توركیا رووده‌دات

.

به‌پێی هه‌واڵێكی روانگه‌ی سوری بۆ مافه‌كانی مرۆڤ ،  له‌سنوری نێوان گرێ سپی – توركیا شه‌ڕ له‌نێوان شه‌ڕڤانانی یه‌په‌گه‌ و سوپای توركیا روویداوه‌. 

روانگه‌ی سوریی  بۆ مافه‌كانی مرۆڤ له‌و باره‌یه‌وه‌ بڵاویكردوه‌ته‌وه‌: دره‌نگانێكی شه‌وی رابردوو، له‌سنوری نێوان گرێ سپی- توركیا شه‌ڕ له‌نێوان شه‌ڕڤانانی یه‌په‌گه‌ و سوپای توركیا روویداوه‌، ئه‌مه‌ش دوای ئه‌وه‌ی ژماره‌یه‌ك چه‌كدار ویستویانه‌ له‌ خاڵه‌ سنوریه‌كه‌وه‌ بچنه‌ ناو قه‌زای گرێ سپی . 

رونیشكراوه‌ته‌وه‌: به‌پێی زانیاریه‌ سه‌ره‌تاییه‌كان زیانی گیانی له‌هه‌ردوولادا هه‌یه‌ ، به‌ڵام تاكو ئێستا نه‌زانراوه‌. 

له‌لایه‌كی تریشه‌وه‌ ئیدریس نعسان جێگری ئه‌نجومه‌نی ده‌ره‌وه‌ی كانتۆنی كۆبانێ هه‌واڵه‌كه‌ی بۆ PUKmedia پشتڕاستكرده‌وه‌و رایگه‌یاند: به‌ڵێ شه‌ڕ روویداوه‌و ته‌قه‌ له‌یه‌كتری كراوه‌ ، به‌ڵام به‌پێی زانیاریه‌كانمان له‌ئیداره‌ی كانتۆنی كۆبانێ هیچ زیانێك له‌هه‌ردوولادا نه‌بووه‌ . 

PUKmedia